معجب باخت صاحبي ومش عارف أبدأ منين!

Question

انا معجب ب اخت واحد صاحبي ومش ناوي على ارتباط او كده انا عايز اخش من بابه على طول واخطب بس مش عارف اعمل ايه اقوله الاول ويسألها لو موافقه اجي ولا اقول لابوهم على طول واجي منغير ما اقوله ولا اعمل ايه انا خايف صاحبي يزعل مني عشان حاجه زي كده

Tofu_26861 🇪🇬 · Accepted Answer

الأفضل تكلم صاحبك وقوله أنا عاوز أناسبكم وصاحبك لو موافق يجس النبض ولو فيه موافقة من البنت وأبوها تروح تتقدم 
متروحيش لأبوها على طول وتحرج نفسك لو رفضوا وكمان عشان متبقاش اتخطيت صاحبك

Carrot_27663 🇪🇬 · Answer

الصح انك تكلم والدها وهو يشوف رأيها وصاحبك مش هيزعل لانك معملتش حاجه غلط انت مروحتش كلمتها من وراه عشان يزعل

Sugar_27188 🇪🇬 · Answer

كلم صاحبك وقوله يشوف الدنيا لو خير وهي عندها قبول روح كلم ابوها

Coffee_21153 🇪🇬 · Answer

انا مش شايف في اي زعل لو قولت لصاحبك انا عايز اطلب ايد اختك وهو يعرف اهله ويحددوا معاك ميعاد
وان شاء الله خير

French Fries_21574 🇪🇬 · Answer

انت ممكن تقول لصاحبك عايز اكلمك ف موضوع بس افهمني واحدة واحدة وقولو انا عايز انسابكم وعايز اخطب اختك ف لو انت قابل عشان تفخم ف صاحبك ولو تسألي بباك هكون شاكر ليك مثلا او هتكون ريحتني وقولو الموضوع دة ملوش علاقة بعلاقتنا كصحاب عشان يفهم انك غالي اي وفخم ف اخته وقولو ملاقيش احسن من واحدة محترمة وتكون انت كمان اخوها وهزر معاه ومشي الدنيا واتعامل عادي جدا عشان ميتغرش ف نفسه