معجب ببنت في سنة الدراسة وعايز اتجوزها

Question

انا حاليا ف أهم سنة دراسة ليا، أُعجبت ببنت 
من اكتر من   ٣ شهور، معجب بيها جدا، وحسيت بإعجاب متبادل منها تجاهي، نفسي اكلمها لكن حرام ومش هعمل كدا.. 
كل اللي في دماغي دلوقتي هي واني عايز اتجوزها وبدعي ربنا يوميا 
واللي مقلقني أنها نفس عمري، يعني ممكن جدا كمان تلت اربع سنين الاقيها اتخطبت وانا لسه "بكون نفسي" وبحاول اجيب فلوس بطلوع الروح عشان للأسف عايش ف مصر 
فكرة إني اتجوز غيرها مش بقت منطقية بالنسبالي 
ومستحيل هحب واحدة تاني كدا ولما اتجوز هكون كبرت جدا

Sugar_29555 🇪🇬 · Accepted Answer

حاول تجهز نفسك من اي ناحية حتي لو حاجات بسيطة وتتكلم مع حد من اهلها وممكن يتقبلو فكرة انك بتحبها وهتحافظ عليها وانك شخص كويس بالنسبة ليها مقابل انك حاليا مش جاهز كليا بس ع الاقل تعمل اي خطوة عشان هي تعرف انك بتحبها وعشان اهلها يكونو عارفين انك عايزها بجد 
وممكن تتخطبو فترة طويلة تكون انت جهزت نفسك
وطلما بتحبها ببقا تستاهل التعب دا اكيد

Coffee_27700 🇪🇬 · Answer

الجواز ده رزق ومكتوبلك هتتجوز مين قبل ما تتولد. بس ادعي الدعاء بيغير القدر. ادعي إن ربنا يرزقك بيها لو ليكم خير في بعض. وانت لسة صغير صدقني عن تجربة كل ما تكبر كل ما اختياراتك بتتغير.

Almond_29871 🇪🇬 · Answer

كمل دعائك و تأمل في ربنا خير و أسعى و انتظم على صلاتك و الاذاكر و اول ما تكون جاهز كلم ابوها و بإذن الله تبقى من نصيبك ❤️

Mango_30055 🇪🇬 · Answer

حاولت اعرف حد من أهلها لكن للاسف اخواتها بنات واكيد مش هكلمهم 
الدنيا قافلة جدا

Blueberry_30080 🇪🇬 · Answer

لا يروح ياخد أهله ويكلم أهلها أحسن بالعقل هتضيع من ايده كده

Mango_30055 🇪🇬 · Answer

طب لو انا مش عايز اختياري ده يتغير ؟ 
كل ما افكر أن اللي أنا فيه دلوقتي من رغبتي فيها ودعواتي اني اتجوزها ومزاجي السيئ دائما بسبب التوتر والقلق ممكن يكون مجرد فترة فحياتي بدايق
هكره نفسي اكتر ف المستقبل لما افتكر الايام دي 
ف موضوع أن رغبتي فيها تقل حتي مش عايزه يحصل

Mango_30055 🇪🇬 · Answer

ما المشكلة أن ده مستحيل ف الوقت الحالي

Blueberry_30080 🇪🇬 · Answer

مفيش حاجه مستحيل ناقش أهلك وفهمهم

Mango_30055 🇪🇬 · Answer

المشكلة مش من اهلي 
انا في اخر سنة ثانوي (تالتة) 
يعني مستحيل فعلا علي الاقل انتظر سنة

Onion_29091 🇪🇬 · Answer

بص ي صاحبي مهمي حصل متعلقش نفسك بيها اخطر حاجه ف الحياة التعلق غير كده خليك عارف انك هتاخد رزقك و الي مكتوبلك مش كلام دين و خلاص بس انت متعرفش ايه الاحسن ليك و الي ربنا هيكتبهولك اكيد هو الاحسن 
خليك واقعي هي بنت ف سنك و ده صعب لانها فعلا ممكن تتجوز قبلك و قبل ما تكون جهزت نفسك ف انت متوقفش حياتك عليها اعرف انها لو جت تبقي رزق من عند ربنا  و نصيحه مني ركز ف السنه دي لانها مهمي بس مش اهم سنه عادي

Sugar_29555 🇪🇬 · Answer

خلاص انت استني شوية والفترة اللي هتستناها دي تكون عملت فيها أي حاجة وتحاول تاخد خطوة رسمي 
مع الدعاء بيها وانك سايبها دلوقتي عشان حرام تكلمها 
ومن ترك شيء لله عوضه خير منه يعني انت سبتها عشان حرام ربنا ان شاء الله هيرزقك بيها ف الحلال وقريب يارب 
ربنا مش هيخذلك ابدا متخفش