انا عايز اعترف اعتراف غريب بما اننا داخلين علي السنة الجديدة علي نهاية السنة اللي فاتت علي نوفمبر وديسمبر كدا كنت زعلان جدا ان السنة ضاعت مني زي كل اللي قبليها والغريب اني كنت بحس بنشوة وسعادة لما استغرق في الشفقة علي ذاتي والندم علي تضييع السنة وكنت بحب اوي لما اقلب في الريلز اللي محتواها عبارة عن ميمز عن ان السنادي مش سنتك اما السنة الجاية فهي بتاعتك وان قد ايه العمر بيعدي وحتي احتفظت بكل الريلز دي علي موبايلي وكنت كل فترة بدخل اشوفهم وانا بضيع السنة اللي احنا فيها دي كمان واحس بنفس النشوة واكمل تضييع في وقتي وكنت مستني نوفمبر وديسمبر ييجو علشان الاقي ناس شبهي بيضيعو عمرهم لكني اكتشفت بفضل الله من قريب ان العقلية بتاع الاستغراق في الاسي علي النفس والشفقة علي الذات هي اللي كانت السبب اني متقدمش اي خطوة لقدام الحمدلله عقليتي اتغيرت جدا وبدأت اقيس النجاح بمدي رضا ربنا عن اللي بعمله من غير ما ابص لأي نتيجة ودا حررني من القيود اللي بنفرضها علي نفسنا والمجتمع بيفرضها علينا ممكن دا يبان شئ تافه بس انا حبيت اتكلم عنه يمكن حد يكون مر بحاجة زي دي وبرضو حابب الع*ن اللي اخترع فكرة الفيديوهات القصيرة

3

2