داخل علمي غصب عني ومش قادر أذاكر.. إيه الحل؟

Question

أنا ثانوية أزهرية علمي وتالت مرة اعيد السنة علي ثلاث مواد المهم إني داخل علمي غصب أصلا من أهلي وانا كنت عايز إدخل أدبي. 
والمواد البعيد فيها هيا نفس المواد المكنتش عايز أدخل علمي عشانها. 
إمبارح خرجت شوية أول يوم العيد ورجعت لقيت أبويا مسخن أمي عليا واتخانقت معايا وقالتلي لو معدتش السنة دي أعتبر نفسك ملكش أم وتشوفلك حتة تروحها بعيد عن هنا. 
أنا والله العظيم بحاول أذاكر المواد دي بس والله مطايقهم ولا قابلهم حتي كل ممسك الكتاب أسيبو بعدها بعشر دقايق. 
وأهلي شايفني في البيت بتدلع رغم اني والله بحاول اعمل العليا علي قد مقدر وكل شوية زعيق وخناق. 
إيه الحل يجماعة؟

Avocado_55955 🇪🇬 · Accepted Answer

بص انا كنت بنجح من غير اي مذاكرة في مواد الرياضيات لاني مش بحبها وصعبة عليا
وعديت بمجموع كمان 
بس لاني كنت مركزة اني لازم أنجح
بس تقريبا ممكن المشكلة عندك انك رافض العلمي بشدة لدرجة انه مش هامك تنجح بقدر انه همك توضح لأهلك انكم السبب في عدم نجاحي 
لو ده صح 
يبقي اعتبر اهلك ماتوا لاقدر الله 
وانك لوحدك ولازم تبدأ صفحة جديدة في حياتك وأولها انك لازم تنجح علشان تبدأ الحياة الي انت عايزها ومختارها

Banana_55575 🇪🇬 · Answer

فاهمك عموماً بص حاول تغير من طريقة مذاكرتك للمواد دي شوف مدرس يحببك فيها وخلاص وشوف الدرس مرة واتنين وتلاتة واستعين بمصادر مختلفة ذاكر مع اصحابك وخلاص طالما دي دماغهم ارضيهم وانجح بالمجموع اللي تجيبه وخلاص وادخل الكلية اللي عايزها المهم بس تعدي ربنا يوفقك يا صديقي 🤍

Marshmallow_55702 🇪🇬 · Answer

خد فيهم دروس عند مدرس صغير يجيلك البيت لوحدك تحس كأنه بيذاكر معاك بس 
هى فكرة رخمة انك تذاكر حاجة مبتحبهاش بس اعتبره دوا محدش بياخد دوا وبيكون مبسوط بس لازم ياخده .. اضغط على نفسك واعمل حداول وخصص وقت معين ومكان معين للمذاكرة مثلا الساعة ٥ ل ٦ والساعة ٩ ل ١٠ هقعد اذاكر طول الساعة دى تقعد فالمكان المحدد اللل خصصتع للمذاكرة وتقهد تذاكر 
فيه برنامج اسمه بومودور ممكن تحمله بيساعدك تقسم فترات المذاكرة

Marshmallow_55702 🇪🇬 · Answer

اقنع دايما نفسك انا بضغط على نفسي واذاكر عشان نفسي واعدى من المرحلة دى واسوف مستقبلى بعمل كده عشان بحب نفسي مش عشان اى حد او اى تهديدات

Coffee_55645 🇪🇬 · Answer

سيبك من اي حد وحاول تؤمن بنفسك واجتهد وغير طريقة مذاكرتك اعتبرها روايه واستمتع بيها او اشرح لناس مش موجوده ومتفكرش انك فاشل ولا تقلل من نفسك انا عدت ٣ ثانوي ٣ مرات وحاليا وكيل نيابه ف سيبك منهم الخير جاي ف الاخر متقلقش

Apple_55922 🇪🇬 · Answer

أنتي كلام صح فعلا أنا بحاول أبين أن أهلي هما الغلط بس ممكن دا بسبب انهم دايما مخلييني أحس إن إنا الغلطان وأنا المستهتر. 
أنا هحاول أذاكر الأقدر عليه وهدخل وأسيبها علي الله

Apple_55922 🇪🇬 · Answer

للأسف هيا مش مواد حفظ عشان أعتبرها رواية
بس هحاول أذاكر علي قد مقدر أصلا الإمتحان قرب وهسيبها علي الله🖤

Coffee_55645 🇪🇬 · Answer

انا فاهمك جدا انا كنت علمي علوم بردو بس حاول تفهما انك حاجه بتتعلمها ف حياتك زي اي حاجه جديده ممكن اعمل التجارب الفيها لو مقتدر ماديا مثلا ودا هيعجبك جدا ع فكره وهتحب اوي كمان متقلقش ان شاء الله خير واشوفك دكتور كمان ومن افضل الدكاتره انت هتقدر ان شاء الله تعدي لوحدك وقدها بس ثق ف نفسك وقدراتك وهتعدي انت احسن من كدا بكتير بس طلع الجواك ومتدفنهوش

Apple_55922 🇪🇬 · Answer

هو مفييش وقت إني أعيد الدروس لأني هخلص كمان شهر بس شكرا عالنصيحة🖤
أنا هحاول ألم الأقدر عليه وهسيبها علي الله وانشاء الله خير🤍

Apple_55922 🇪🇬 · Answer

أنا عايز أعدي وخلاص انا قدامي في الأزهر كليات كتير حلوه انا مشكلتي بس في الخناقات الكل يوم.  عالعموم تسلم عالنصيحة أنا هحاول ألم في المواد علي قد مقدر وهسيبها علي الله خلاص كلها شهر وأخلص