اصبر على ما يقولون واهجرهم هجرًا جميلًا🧡

Q: مش قادرة اسامح صاحبتي اللي آذتني رغم اني عايزة

يمكن انا حد قوي اوي و ببان قدام الناس كدة و في واحدة اذتني ( انا بنت و هي كانت صحبتي ) كانت بتستغلني و هكذا يمكن اخدت منها اعتذار و ندم لكن لو فكرت انا مسامحه ولا لا للأسف لا انا عارفه ان المسامحه اريحلي كدة كدة و عند ربنا حاجه كبيرة لكني مش قادرة اعمل ده مع اني عايزة

Q: نصائح صباحية للإيجابية وتقدير الذات

صباح الخير علي سبيل الايجابية الصباحية وكدا _انت مطالب بالسعي مش بالنتيجة _انت مش مضطر ترضي جميع الأطراف ما دام دينيا ونفسيا واخلاقيا انت مغلطش _انت متسابتش عشان وحش او العيب منك ولا شرط يكون من غيرك دي حكمه ربنا اللي عارفها واكيد خير ليك _صحتك ونفسيتك ودراستك وشغلك وحياتك الشخصيه اهم بكتير من انك تيجي عليها عشان اي سبب _علاقتك بربنا طول ما هي كويسه وانت متقي الله في تعاملك مع خلق ربنا يبقي انت ماشي صح بصرف النظر عن اي حاجه تانيه _ سيدنا محمد صلى الله عليه وسلم كان عنده أعداء اعتقد دا اكبر سبب ممكن يخليك متعايش مع اي حاجه بتحصلك _كرامتك لو محافظتش عليها هتعيش طول عمرك متداس لازم تعزز نفسك _شكلك واسلوب كلامك وطريقه لبسك وتنسيقك والوانك بتعبر عن شخصيتك وكل تفصيله بتعملها بتبان سواء هتأثر بالايجاب او السلب اعتقد كفايه كدا النهارده ومتنساش " اشرب مايه كتير "☺