اشتقتلك .. الأيام بدونك عم تمر بصعوبة تتذكر وقت اللي اخترتلي لون مناكيري؟ واتبهدلت من اهلي عليهم ، قال خلصت الالوان لتحطي أسود هيهي بس رغم ذلك كنت مبسوطة ، لانك مبسوط طب تتذكر وقت اللي قعدت تدرسني مشان امتحاني وانا تعبتك لانو مخي سميك ومابفهم بسرعة؟ طب بتتذكر وقت اللي اتفقنا انو كل ماتدخن تبعتلي صورة ، على اساس هيك تخفف تدخين مشان ماتصور بس لقيتك صرت تتحمس تدخن وتتصورلي؟ طب والله اشتقتلك ، ما اشتقتلي؟ صعب الناس تفهم صعوبة انك تحب الشخص الصح بس بالوقت الغلط ، صعب الناس تستوعب علاقة بين اثنين من بلدين مختلفة ، وواحد عايش بالحرب والتاني عم يصارع المرض ، مو عرفانين مين رح يستشهد فينا اول ، انا بس امنيتي انو لو ربك كاتبلنا نلتقي بالاخر يكون يومي قبل يومك لاني مارح اتحمل يقولولي بيوم انو استشهدت ، الله يحميك يروحي الله يحميك

10

0