امبارح كان حفلة تخرجي من ثانوي وحرفياً كان اسواً يوم في حياتي بسبب امي وخطيبي امبارح انا فضلت اعيط عياط يكفيني سنين احنا حفلة تخرجنا قبل الامتحانات ولغو حفلتنا كذا مره لحدم نفسيتنا تعبت بسبب اننا كل شويه نرتب ونجهز للحفله وفالاخر يلغوها او يأجلوها ونرجع نرتب تاني وكل شويه يحصل فس الحاجه ف انا وصحابي قررنا اننا نروح نعمل سيشن ونخرج وفي بنت من صحابي انا كنت عارفاها زمان وكانت مطلعه عني سمعه وكلام كتير وقطعت معاها من ٢٠١٩ بس رجعنا نتكلم تاني سبب الصحاب المشتركه وده كلو انا كنت حاكياه لخطيبي ف يوم السيشن سألني انتي كنتي مع مين فالسيشن قولتلو مع فلانه وفلانه وفلانه ومجبتش سيرة البنت دي عشان مكنتش عايزه نكد وبعدين جدتي نزلت الصور وهو شاف انها كانت معايا من عند جدتي وجه اتخانق معايا وقالي اني منافقه وانو مش عايز يكمل معايا وقالي كلام صعب وعملي بلوك من كل مكان ف انا اخدت سكرين وقلت لمامتي كل حاجه وهي قالتلي مترديش عليه تاني وانا هتصرف كلمتو وكلمت اهلو وعملت مشكله معاه تاني يوم كانت حفله تخرجي واخواتي الصغيرين مخلوش ماما تنام وصحيت الصبح مزاجها وحش ونزلنا وكانت بتكلم صاحبتها في التليفون ف هزرت معاها عشان تفك بصتلي بصه خلت جسمي يطلع حراره بجد وهي عموماً كل م توصلني مكان لازم انزل من السياره معيطه وصلتني المدرسه عشان نتدرب عالحفله ومشيت هي ومكانتش عارفه هي هتيجي حفلة تخرجي ولا لا فضلت لحد قبل الحفله ب ١٠ دقايق بسألها هتيجي ولا لا وفعلاً جت واول م نادو على اسمي واتكرمت قامت قدام الناس كلها تشاورلي انها هتمشي وانا بعد الحفله كنت عايزه اخرج مع صحابي وهي مكانتش موافقه وانا فضلت اعيط بس والله مش عشان بس رافضه اني اخرج عشان حاجات كتير وعشان اسلوبها معايا الصبح وعشان انا شايفه انو مفيهاش حاجه لما اخرج وخصوصاً اني مش بنزل من البيت واتصلت على جدتي وجدتي قالتلها خليها تخرج وفعلاً خرجت مع صحابي ومع البنت نفسها واحتجت فلوس وانا برا ومحبتش اطلب من ماما لاني متخانقه ف اتصلت على خطيبي وبعتلي فلوس وسألني انتي مع مين قولتلو الحقيقه وقولتلو اني برا راح هو اتصل على مامتي وقالها فين بنتك قالتلو فالبيت وكذبت عليه واتصلت عليا وفضلت تدعي عليا وتشتمني ب الفاظ خارجه وصعبه جداً وقالتلي روحي البيت وقالتلو اني خرجت من وراها عشان متطلعش كذابه قدامو وصحابي كلموها بعد م انهرت وعيط قدام الناس وقعدو يتحايلو عليها اني اكمل يومي وهو كلمني وقالي خلاص كملي يومك وفعلاً كملت يومي ورجعت البيت واتخانقت معاه وبعدين ماما جت من الشغل وضربتني وصدقت كذبتها وبتقولي خارجه من ورايا وبتقرطسيني و وهي بتضربني قلتلها انا بتكسف منك وبجد كلمه قولتها غصب عني بسبب الزعل وانهم خربولي يومي اللي المفروض يكون من احلى ايام حياتي اللي هو يوم تخرجي والكلمه قولتها بسبب حاجات كتير حصلت ومنها انها قلعت الحجاب وبتتصرف كأنها عندها ١٨ سنه ومصدقه فعلاً انها باينه اصغر مني وتصرفاتها قدام صحابي بتحرجني وفضلت تعيط وبجد قلبي وجعني لاني لو مكنتش قلت الكلمه دي كان ممكن يفضل معايا حق للآخر وعرفت خطيبي الحقيقه كلها وانها كانت عارفه اني برا وبعدين مامتي بعتتلي رساله قالتلي فيها " مدام بتستعري مني اياكي لسانك يخاطب لساني ومش هخليكي تشوفيني دام بتتكسفي مني هرجع من الشغل متاخر لغايه ما تكوني نمتي انتي واخواتك واطلع بدري ومن هنا لغايه ما تنزلي مصر ملكيش دعوه بيا نهائي عشان ما تنكسفي مني يا حبيبتي وكويس انك طلعتيني كدابه قدام خطيبك دلوقتي وقولتيله امي موافقه اني اخرج وسيباني قدام المدرسه مع صحابي انتي اوسخ مخلوق شوفته وزي ما انتي شيفاني ولا حاجه انتي كمان ولا حاجه بالنبسالي لان لو كنت ربيت كلب كان طمر فيه خسيسه وكلبه زي صنفك روحي ربنا يكسر بخاطرك وما تنجبري أبدا وحسبي الله ونعم الوكيل فيكي " وبجد انا مش عارفه اعمل ايه ولو حاولت اصالحها دلوقتي مش هترضى حتى لو قتلتلها نفسي

8

2