اعتقد ان اسوأ حاجة في العصر ده هي صعوبة الجواز بدون مبرر. بنقعد نعقد الجواز و نصعبه و نضيق على شيء طبيعي و بسيط و نخليه حلم صعب الشباب و البنات يفضلوا يتمنوه لغاية أواخر العشرينات و أوائل التلاتينات في حالات كتير. الجواز هيوفر للواحد حد يثق فيه ثقة عمياء دايما هيوفر للواحد تفكير أوضح و تركيز احسن في حاجات اهم زي انه يقدم حاجة نافعة للمجتمع او يبقى فرد منتج الجواز بيخلي الواحد يفكر ازاي يحسن من حياته و حياة اللي حواليه و يبقى نافع مش لنفسه بس بل لأسرته و مجتمعه كمان و اخيرا بيخلي الواحد يبقى مطمن انه عمره ما هيبقى لوحده تاني. كل قاعدة لها استثناءات و لكن ده الوضع الطبيعي. على النقيض تماما ممكن يكون ناس معاهم مرتبات تفتح بيوت في اول حياتهم كويس جدا زي ١٥ او ٢٠ او ٢٥ الف مثلا...و لكن بسبب زيادة الأعباء و الالتزامات المادية المطلوبة بنأخر الجواز اكتر و اكتر و بنعذب نفسنا على الفاضي. و النتيجة انتشار ظواهر سيئة جدا في المجتمع دلوقتي كطريقة غير صحيحة للتعامل مع انجذاب الجنسين لبعض. اخطاء سخيفة و تافهة ممكن تجنبها بكل سهولة...بس الفشخرة اهم. عارف مفيش حل هنا و لكن كنت محتاج اطلع الكلمتين دول في حتة و بس

2

4