أم بتقول لبنتها كلام مزعج - دة أسلوب تعامل؟

Question

اسفة جدا على اللى هقوله دة 
بس يعنى ايه ام تقول لبنتها لو بتز*حفى على الارض بردو هتعملى اللى انا عايزاه 
دى كلمة تتقال من ام لبنتها 
وهل دة اسلوب تعامل من الام اصلا 
ايا كانت شايفة بنتها بتتدلع ينفع دة يكون اسلوب الحوار 
عارفين المشكلة فين انها شايفة انها بتضحى عشان تعمل حاجة انا مش عايزاها ومدايقانى وبطلع فى الاخر مبقدرش 😓

Pistachio_66936 🇸🇦 · Answer

معلش ضغوط الحياه كبيره وتلاقيها عندها حجات وحمل تقيل ويمكن جرحتك بكلامها بس مش هقولك كلام مثالي ومامتك وتعمل الي هي عايزاه 
بس هقولك حاولي تقللي الشد بينكم حاولي تخلقي لغه حوار بينكم بتفكيرها هي وتفكير جيلها ومتنسيش جيلهم غير جيلك ممكن تكون دي بالنسبه ليهم عادي وحاولي متعديش اليوم الا وانتي صافيه من ناحيتها عالاقل بينك وبين نفسك

Sugar_49832 🇪🇬 · Answer

انا عارفة كويس اووى انها مضغوطة 
بس انا ذنبى ايه انا مطلبتش منها حاجة فى حياتى كلهاا اكتر من انها تسيبنى فى حالى 
انا مش عايزة ابقى زيها 
كل مرة بتزود الضغط عليا بلاقى حتة فيا بقت شبهها 
معنديش استعداد فى يوم من الايام اجيب ولاد نظرتهم ليا تكون زى نظرتى ليها

Orange_61792 🇪🇬 · Answer

هو المشكله اننا بقينا زجاجيين اوي ،اقل كلمه بتحس انها بتدمرك،و ده غلط ،و ضعف ف الصلابة النفسية ،كلام الام بقسوة مع بنتها او ابنها ده شيئ طبيعي ،بتعملوا كل الامهات ،و زي م بتقولك كلمة تزعلك ،برضه هتكون بتقول كلام كويس ،بتحبك و بتخاف عليكي ،بيهمها مصلحتك ،و هي اكتر بني آدمه ثقه و حبها غير مشروط ف حياتك .متزعليش منها ،و لو هي زعلانه منك صالحيها ،ربنا يوفقك و يهديكم لبعض

Strawberry_64990 🇪🇬 · Answer

بصى حقك تتدايقى بس ديه مامتك و هى ممكن تكون مش قصدها ممكن تكون مضغوطة ف حاجة مثلا او ممكن تكون هى اتدايقت من حاجة انتى عملتيها او عايزة تعمليها ممكن الحاجة ديه تكون مش غلط او حاجة عادية و انتى مختارة تعمليها بس هما بيخافوا علينا اوى و بيبقوا طول الوقت خايفين لا نتوجع او نتاذى ف اعذريها و اسمعى وجهه نظرها و فكرى ف كلامها لو حسيتى ان رايك متغيرش اتكلمى معاها براحة

Pistachio_66936 🇸🇦 · Answer

معلش مش كل حاجه هنقدر نفصلها زي ماحنا عايزين ولا عمرك هتغيري الطبع بس تقدري تخلقي لغه حوار بينكم ..ومعلش تعالي علي نفسك وجربي براحه حتي. لو من ورا قلبك وقوليها كلمتين حلوين صدقيني هنبدأ تستقبل منك وممكن تعملك اللي عايزاه بس بلاش الند بالند

Sugar_49832 🇪🇬 · Answer

تفتكر لمجرد ان كل الامهات بيعملوا كدة فدة صح 
وتفتكر الناس اللى ماشية فى الشارع دى سوية نفسيا وعندها قدرة انها تعطى مشاعر بشكل طبيعى 
مفيش حاجة فى الدنيا تبرر القسوة خصوصا من الاهل 
اصل محدش كان جابرك انك تخلفنى عشان توجعنى وتاذينى

Sugar_49832 🇪🇬 · Answer

حضرتك اناا حااولت حاااولت كتيير اووى ويأست 
هى متعرفش حاجة من اللى انا بمر بيه 
كل اللى طلبته انها تسيبنى فى حالى انا لا بعمل حاجة غلط ولا باذى حد

Orange_61792 🇪🇬 · Answer

هي دي الحياة بشكل عام ،الحياة قاسية و مؤلمه ،مش معنى انها زعقت معاكي او قالتلك كلمه ضايقتك يبقى تطلعي عليها حكم مطلق ،هي ليها اجابيات زي م ليها سلبيات ،زعلتك او ضايقتك لكن هي ف المقابل بتحبك و بتخاف عليكي زي م قولتلك قبل كده .مينفعش كلمة من والدتك توصفيها بانها دمرتك نفسيا ،keep your self togethet ,او بالعامية انشفي كده . اكيد طبعا ليها عيوب زي م انتي فيكي عيوب و هي قبلتها .

Sugar_49832 🇪🇬 · Answer

حضرتك الحوار مش على قد الكلمة 
دة الاسلوب اللى بتتعامل بيه ديما فى اى خلاف بينا 
مع ان انا عمرى ما اتعارضت معاها غير فى اللى يخصنى انااا وبس ولا يضرنى ولا يضر حد 
ولما كانت تزعق او تضرب اخواتى واحاول اقفلها انا ملقتش منها اى وجه استجابة مع انى اتكلمت بالراحة وبالهدوء وعشان ميبعدوش عنك يا امى 
بدات احاول احتويهم بعيد عن تصرفاتها خالص واهو اى حاجة تصلح 
لكن ازااى ممكن اعمل حاجة مش عاجباها

Sugar_49832 🇪🇬 · Answer

ولا دمرتنى ولا حاجة 
الفكرة مش فى الكلمة الفكرة فى الاسلوب 
اناا عارفة كويس اووى انها بتحبنى.. لكن الحب هدفه يداوى مش يوجع 
ولما بنفكر فيها بالذات مع اهلنا ونكتشف انهم مجرد عائل مادى وان اللحظة اللى هقدر اعتمد فيها على نفسى مش هيبقى ليهم اى تاثير بالعكس هنرتاح لان التاثير النفسى ليهم ديما سلبى بنكتشف ان علاقتنا بيهم فعلا ضعيفة وملهااش اساس وسهل جدا تقع

French Fries_67636 🇪🇬 · Answer

هما الاهلى كده لازم تعدى وبعدين اللى بتقول كده دى اكتر حد فى الدنيا خايفه عليكي متسبيش نفسك لافكارك السلبيه تلعب بيكى  ادعى ربنا انه يدلها على الطريقه اللى ترضيكى فى المعامله

Sugar_49832 🇪🇬 · Answer

شوف واعذرنى لو طولت عليك 
بس لما تتحول علاقة الاهل بولادهم من الامان والاحتواء للسيطرة والتحكم ومن التضحية والحب للمعايرة والاهانة 
يبقى مفيش علاقة اصلا 
الاهل لو مش دعم وسند بالعكس هما مصدر التعب وبيجبروا الواحد يدور على دعم بعيد عنهم او حتى جواه يبقى بلاهم احسن على الاقل انا اللى باخد قرارى واتحمل نتيجته مش حد بيقرر عنى وانا بردو اللى اتحمل واشيل

Sugar_49832 🇪🇬 · Answer

بدعى والله بدعى

French Fries_67636 🇪🇬 · Answer

طلاما بتدعى ظنى بربك خير وان شاء الله كله هيبقى تمام

Sugar_49832 🇪🇬 · Answer

ونعم بالله

Strawberry_64990 🇪🇬 · Answer

لا يبقى مفيش ف ايدك حاجة تتعمل للاسف هى شخصيتها كدة

French Fries_67636 🇪🇬 · Answer

رينا يشرحلك صدرك وييسرلك امرك

Sugar_49832 🇪🇬 · Answer

ربنا يهدينى ويهديها ويهدى امهاتنا جميعا يارب

Sugar_49832 🇪🇬 · Answer

يارب اللهم امين واياك/ى