استوري تايم زمان كنت انا وبنت خالتي بنحب بقا نغامر فكانت المنطقه اللي ساكنه فيها نوعا ما شبه صحراء فكان في بيوت لسه بتتبني وبيوت مبنيه بس علي الطوب الأحمر فاهمين ومحدش ساكن فيها والبيوت اللي بتتبني العمال بيمشو منها علي أذان المغرب ومقولكوش بقا علي أذان العشاء كلاب اللي بتبقا في الشارع بتختفي حرفيا مش بيبقا في حد خالص فاحنا كنا بندخل البيوت دي 😂 رحلة البحث بتاعتنا عن بيت ندخلوا بتبقا من بعد المغرب لقبل العشاء فكونا حرفيا بنروح جري 🤦‍♀️ المهم فضلنا علي الحال ده مده طويله لحد ما دخلنا بيت الببت ده كان تقريبا اربع دوار ولي بدروم والسلم كده مكسر بيزل علي البدروم وبيطلع علي باقي الادوار نزلنا أول حاجه علي البدروم ولقينا كلب ميت حرفيا و متحلل هل نمشي بقا لا طلعنا علي أول دور وكان البيت ده شققو متقسمه علي عكس باقي البيوت فاتفقنا اننا هنطلع لأخر دور كن غير ما ندخل اي شقه ونمشي ولو حد سألني هل كنا بدور علي حاجه معينه هاقولكم لا بس كان غباء منا مش اكتر المهم إن ده اللي حصل طلعنا لاخر دور واللي كان ميختلفش كتير عن اللي قبلو وإحنا ونزلين بقا في الدور التالت شوفنا ظل ومقولكوش بقا بنت خالتي ببص جمبي لقيتها جريت وسابتني 😭 وأنا لسة هحصلها وبقدم خطوه لقيت رجلي اتنت و وقعت من سلم الدور التالت لحد الأرضي لأن السلم كان مكسور ومش مقفلو يعني مكانش في حطه في النص وبصراحه لقيت بنت خالتي رجعت شدتني من رجلي وجريت بيا لحد الشارع هل نتعظ من اللي حصل لا فضلنا نضحك علي نفسنا والقصه لحد هنا منتهتش الاجازه اللي بعدها اتعرفنا علي واحده واخدنها معانا في رحلة البحث و الاستكشاف ولقينا بيت عباره عن ست أدوار واخر دور ده كان مكشوف وكل إللي فيه سقف و اعمده اسمنت المهم انا كان كاني فوبيا من الإمكان المرتفعة جدا فا سبقتهم ونزلت لحد الدور التالت و دخلت في شقه وكنت عاوزه اخض اللي نازل المهم نزلت البنت إللي اتعرفنا عليها وأنا مكدبتش خبر وخضتها صوتت بقا وبنت خالتي نزلت وخلاص كنا ماشين بس وإذ فجأةً نلاقي طوب احمر صغير تحسوه بواقي البناء بيتحدف علينا من فوقنا و ورانا والحمدلله السلم بتاع البيت ده مكانش مكسور ونزلنا بسلام لحد اخر سلامه ولقينا البنت إللي اتعرفنا عليها قاعدت علي الارض وبتقول مش قادره تمشي بصرآحه افتكرتها بتعمل مقلب وبتردو فيا فقولت لبنت خالتي تقعد معاها وأنا هاروح أنده حد من أهلها فسبتهم ولفيت من الجنب والبيت عشان كان طوب احمر فاكان في فتحات كده اقدر اشوفهم منها فضلت باصه والبنت طلعت تعبانة فعلا و روحت اندر حد من أهلها بس وأنا في النص الطريق كده بنت خالتي ندتني ورجعت وقالت هنسندها ونروحها أحسن كل ده وإحنا 12 سنه المهم روحنا البنت وفضلت بعدها تتجاهلنا 😂😂 وتقريبا قالت علينا مجانين وإحنا اتعظنا ومبقناش ندخل اي بيت تاني 😂

7

1