بشتغل 7 ساعات ومفيش شغل.. عايزة استفيد بالوقت

Strawberry_51771 🇪🇬

منذ 3 ساعات

شعور مرتبك

انا حاليا بشتغل ف مكان معين الشيفت ٧ ساعات بس الشغل يعتبر مفيش (الأرزاق بتاعت ربنا) حرفيا بروح اقعد بس و افطر و اضيع وقت و ممكن انام كمان عايزه افكار تخليني استفيد بالوقت (مش حابة اتعلم لغة) و لو في اي اقتراحات لشغل تاني اونلاين اعمله و لو حد عنده عِلم هل هيكون ده حلال ولا مينفعش ؟ ا ا ا ا ا ا ا ا ا ا ا ا ا ا ا ا ا ا ا ا ا ا

خدعت من زميلة في الشغل ومحتار بين البقاء والرحيل

بصراحة أنا محتاج أطلع اللي جوايا. كنت بشتغل على نفسي عشان أبقى في مكانة أحسن وأتقدملك. كنت واخد الموضوع بجد وبحاول أطوّر نفسي خطوة بخطوة. لكن لما اكتشفت إنك نمّامة وبتنقلي الكلام، قلبي اتقفل. حسيت إني اتصدمت ومبقتش شايفك زي الأول. عمري ما كنت متوقع إن البني آدم اللي علّقت عليه آمالي يطلع كده. كنت شايف إنك تستاهلي أشاركك مستقبلي، لكن دلوقتي لأ… أنا كرهتك من كتر ما الموقف ده وجعني. اللي وجعني أكتر إنك استخدمتي ثقتي فيكي ضدي. حكيتلك عن الكورسات اللي باخدها عشان أطوّر نفسي، لقيتك قولتي ده للمدير والمشرف وكأنك عايزة توريني في صورة غلط. وبدل ما ألاقي تشجيع من الإدارة، حسيتهم اعتبروا الموضوع تهديد أو ضغط على الشركة. كأن أي محاولة مني أكون أحسن بتتحوّل لذنب. وده خلاني أشوف الدنيا حواليا بشكل كئيب. دلوقتي أنا محتار: أكمّل وأثبت نفسي بالشغل وبالمجهود، أو أسيب المكان لو لقيت نفسي بتأذى. اللي متأكد منه إني مش هسيب حلمي ولا هبطل أطور نفسي عشان أي حد. بس في نفس الوقت، بقيت خايف أثق في الناس بسرعة. اللي اتعلمته من اللي حصل إني أشارك بعناية، وأعرف إن مش كل الناس أمان. يمكن ده لمصلحتي في الآخر، عشان ربنا بيكشف لينا الحقايق في الوقت المناسب. ...عرض المزيد

1 الدعم

3 نصيحة