عندي استشارة وفضفضة وظيفية طويلة شوي انا كنت اشتغل في شركة مالية في الخبر صار لي ٣ سنين وكنت ولله الحمد مبسوط ومرتااح ولا كان لي اي نية اني اطلع ما اقوليكم انها كانت شركة كاملة كان فيها سلبيات مثل اللخبطة في توزيع وادارة المهام ولا فيه سلم وظيفي واضح ولا مسار تطوير واضح وبدأ الشغل يصير روتيني ولافيه تطور لكن كل هذا يهون لانه كانت بيئة العمل جميلة جدا. كانت علاقتي مع مديري واخوياي ممتازة جداا وكان عندهم ميزة انه دوامهم مرن. لكن سبحن الله، دوام الحال من المحال، جاني اتصال من ارامكو، للامانة هالشركة ما قد طمحت لها ولا هي في البال اصلا، مشيت معاهم في الاجراءات وجاني عرض منهم بزيادة ٤٠٪؜. ماكنت حقيقة متحمس للعرض. وكنت راح اعتذر منهم بسرعة حتى لا اتحير واقفل الباب لكن تعرف ضغط الا حولك دام جاك عرض من ارامكو.وما اقدر انكر انه عرض ممتاز. فجلست افكر في الموضوع، قلت حرام في حق نفسي ارفض عرض ٤٠٪؜ ولا افاوضهم. جيت افاوضهم وانا في بالي انه اكيد راح يعطوني الا ابغاه علاقتنا ممتازة وانا مالي مكاني، لكن في نفس الوقت كان واضح عليي التردد. ف قلت لمديري الزيادة ٤٠٪؜ وانا جاي افاوض قدام ارامكو، ف اشوف من المنطقي ابغى اكثر حتى يبرر تضحيتي بميزات كثيرة وانا ابن المكان وشاريه والله ، قالوا لي لاتفكر في الماديات ومجال ارامكو مختلف عن مجالنا الا هو ادارة الاستثمار ولازم تحدد صنعة ومهنة. وانا للامانة اطمح اني اكمل في هالمجال. قالي خلاص باكلم لك المدير، لكن للاسف الزيادة كانت عالية ولا عطوني عرض اقل ف قالي المدير استخير وباحاول قد ما اقدر اجيب لك عرض ارامكو مرة ثانية لكن توعدني اذا جبت لك اياه تجلس، ذاك الوقت قتلني التردد والتفكير وماحبيت رد اني استخير لانه قلت لهم اني شاريكم قدام ارامكو. استخرت وارتحت لارامكو . ما افكر حقيقة في الماديات لكن يمكن هذي فرصة فقدمت استقالة وكان الوجه ابيض وقالوا لي مكانك محفوظ اي وقت . وطلعت وبدأت مع ارامكو صار لي شهر، ف جالس احس انه مجال مختلف وندمان اني طلعت. شركة ضخمة وانا كنت هناك في شركة صغيرة ومالي مكاني ومعروف بحكم انها شركة صغيرة، الحين انا في منظومة ضخمة ولا اعرف احد واثبت نفسي من جديد. ف جالس افكر جديا اني ارجع لهم بحكم اني علاقتي ممتازة. ف ويش رايكم ارجع اكلم شركتي القديمة؟ دمت بخير،

5

0