أنا استسلمت للاكتئاب خلاص. كل حاجة كنت بحاول أبنيها وقعت فوق دماغي. الشغل باظ، الجواز باظ، والحب البرئ اللي كنت شايفه من قلبي هو كمان باظ. بقالي أكتر من سنة بدور على شغل، مش علشان الفلوس ولا المنصب، لكن علشان أتقدملها وأنا رافع راسي. دخلت مقابلات في أكتر من عشرين شركة، كل مرة كنت بقول "يمكن دي الفرصة اللي هتفتحلي الباب"، كنت بصحى من الفجر، أراجع الكورسات، أجهّز نفسي، أتعلم حاجات جديدة عشان أليق بيها… كنت شايفها حلمي، سبب خلاّني أتحرك وأتطور، بس لما اكتشفت إنها مخطوبة، كل التعب اتحوّل لجدار واقع عليا. حسّيت إني كنت بجري في سباق لوحدي، وكل اللي كنت بعمله ماكنش ليها قيمة، لا عندها ولا عند الدنيا. تعبت من محاولاتي إني أكون الأفضل، وتعبت أكتر لما اكتشفت إن مفيش حد شايف ده غيري. يمكن أنا مش فاشل، بس أنا اتكسرت… واللي بيتكسر من جوّه صعب يرجّع نفسه زي الأول. دلوقتي مش عايز حاجة، لا حب ولا شغل، عايز بس شوية هدوء… وسكوت من الدنيا اللي وجعتني أكتر مما علّمتني.

0

6