إرتفاع شديد في نسب الطلاق وحالات إكتئاب بالملايين بسبب الإنفصال في العلاقات بس انا بقا جاي أتكلم في موضوع مهم جداً جداً ولازم ناخد بالنا منه:(إزاي نحب صح) هحكيلك كل حاجة من واقع تجربتي وعلى حسب مافهمت يعني ممكن تاخد بكلامي وممكن لا🤷🏻‍♂️ . اول حاجة وأهم حاجة لازم تفصل بين الحب والإعجاب ودي حاجة مهمة اوي اوي لازم تفهمها أنه فيه فرق بين إنك تشوف شخص وتعجب بيه وبين إن يكون فيه بينك وبين شخص عشرة أدت إلى إنكوا تحبوا بعض وركز في حتة إنكوا لازم تكونوا إنتوا الإتنين بتحبوا بعض بلاش جو حب من طرف واحد والعبث ده. . تاني حاجة لازم الطرفين يعرفوا بعض كويس ويعرفوا طباع بعض وهل عيوب الطرف التاني هتناسب عيوبي ولا لأ بلاش العبط بتاع حب من نظرة واحدة ده عشان ده إسمه غباء عشان كدة انت معجب مش بتحب يافصيح عصرك. . لازم الطرفين يحبوا بعض حب بريئ يعني بلاش جو المشاعر والأحاسيس والمحن الفارغ ده الله يستركوا عشان غير إن ده مرض ده حرام سعادتكوا عايزين تحبوا بعض يبقا إبعدوا عن بعض قدر الإمكان. . تالت حاجة ودي أهم حاجة عشان العلاقة تتم بزواج على خير إن شاء الله بلاش الله يهديكم تكسروا الحواجز الي بينكم قبل الجواز خلي دايما في خطوط حمرا في الكلام وحدود متتعدوهاش انتوا الإتنين لحد ماتتجوزوا يعني بلاش جو انتي روحي وانتي حبيبتي وانا نفسي أحضنك ونفسي ابوس.ك والجو ده عشان أقسم بالله 90في المية العلاقة مش هتتم طول مانتوا بتتعدوا الحدود الي بينكوا قبل الجواز معلش يا أستاذ تامر حسني انت ومي عز الدين بتاعتك إمسكوا نفسكوا لحد ماتتجوزوا. حاجة مهمة اوي اوي لازم تبدئوا بيها العلاقة دي أهلكوا يكونوا عارفين وتبقا معرف كدة من اولها قدامك اد إيه وهل هيستنوا ولا لأ عشان متلبسش خازوق محترم في الأخر Au revoir 👋🏻

4

4