إزيك عامل ايه دلوقتي؟ مخنوق؟ تعبان؟ قرفان؟ زهقان؟ زعلان؟ عادي يعني إيه عادي! يعني انت مش مميز يامعلم فيه زيك كتير تعبانين وجاضين وقرفانين وحالتهم حالة طب إيه الحل؟ عندي ليك حل سحري عن تجربة هقولهوملك بالترتيب: 1-دور على سبب مشكلتك سواء تعبان ايه سبب تعبك قرفان ايه سبب قرفك وإلخ(كدة انت حليت نص المشكلة 2-دور على حل لمشكلتك (كدة تبقا حليت المشكلة) شوفت سهلة إزاي🤷🏻‍♀️ يجي واحد محنك يقولك ماهي لو سهلة كدة ماكنا حلينا مشاكلنا كلها 😏 اقوله مع احترامي ليك بس انت عاجبك انك في مشكلة هتقولي ازاي! هقولك انك حابب انه يُعطف على حالتك وكدة يبقا انت بتحب دور الضحية في كل حاجة ومع الوقت محدش هيديلك اهتمام . هديلك مثل بسيط: انت مروح بيتكوا عادي ولقيت كلاب شارعكوا مستنياك وعملالك حفلة على شرف رجوعك بالسلامة ومش هيسيبوا حتة فيك إلا ويعضوها هل لو انت متضايق وقرفان هما هيعمله حساب لتعبك ويقولوا عدوه المرادي؟ أكيد لأ هتتشمعط لو فكرت تعمل كدة فإيه الحل إنك لو لقيتهم جايين عليك يأما تطلع الوحش الي جواك وتقفلهم يأما هتجري عشان لو وقفت هيعملوا منك وجبة دينر بوكس هي الحياة كدة يأما تتصدى للمشاكل الي في حياتك يأما هتتهان وهتموت زيك زي اي فرخة أمهات Au revoir 👋🏻

6

1