ازاي أعمل صحاب جديدة بعد التخرج؟

Question

ازاي بتعملوا صحاب جديدة من بعد التخرج؟

حاسة فرصتي في اني اعمل شلة كبير خلاص فاتت عليا و علاقاتي في الشغل عادية يعني 
و صحابي الموجودين معدودين و مفيش حد بنزل معاه كل يوم او حد نتكلم كل يوم و كدة

بتعملوا صحاب جديدة ازاي؟

Lemon_34495 🇶🇦 · Answer

مبعرفش اعمل صحاب ولا نيلة 😂

Grape_55150 🇪🇬 · Answer

شغالة اي

Mango_74635 🇪🇬 · Answer

زمايل من الشغل بقى

Pineapple_72600 🇪🇬 · Answer

حاسة هتبقى مجرد زمايل زي ما قولتي كدة و حتى لو صحاب مش هنبقى صحاب اوي كل حد بيكون عنده صحابه اللي برا الشغل

Apple_64761 🇪🇬 · Answer

حلو كدا كام واحد قديم + بتوع الشغل ولو ف نادى او نشاط 
وكفاية
المهم حد يغنى عن الكل مش بالعدد

Mango_74635 🇪🇬 · Answer

لا عادي مع كتر الوقت الي بنقضيه سوا انا و زمايلي ف الشغل بقينا صحاب اوي و بننزل نتقابل و نقعد مع بعض 
المهم بس تدي فرصة لنفسك دا يحصل

Jackfruit_74741 🇪🇬 · Answer

مبقاش فيه صحاب دلوقتي قليل اللى تلاقيه صاحب بجد هو مش بكترهم

Banana_70205 🇪🇬 · Answer

بص ياما بيبقا فيه مليون لمة كدابة بص عشان اجبلك من الاخر، انا بني آدم اجتماعي بشكل كبير جدا اي مكان بخشه بعمل صحاب و بتعرف علا ناس كتير اوي سواء بقا كورس او تمرين او شغل ايا كان. بس ياما قولت علا ناس اخوات و مطلعش اخوات ولا حاجة. الرحلة غالبا فردية يا صاحبي فا انا عايزك تركز علا نفسك و أهدافك و تعرف نفسك الأول و تفهمها بعدين الصحاب هتيجي لوحدها هتلاقي ناس تشاركك اهتماماتك ديه

Almond_75665 🇪🇬 · Answer

نصيحه انك تبعكي عن صحوبية الشغل وشلة الشغل 
دي اكتر حاجه ممكن تبقي مؤذيه 
بحكم شغلي في اكتر من مكان دايما شلة الشغل دي لازم بيطلع منها اكتر من شخص مؤذي و خبيث و لو جاله مصلحه في الشغل مقابل أنه هيضر اي حد من الشلة دي هيعمل كده 
ف خلي علاقاتك في الشغل دايما سطحيه و متدخليش حد حياتك اوي لمجرد أنك محتاجه لأصحاب 
طبعا مش كل الناس زي بعض و ممكن مجال شغلك مختلف عني بس دي تجاربي وتجارب ناس قدامي

Almond_75665 🇪🇬 · Answer

أما بالنسبه للصحاب ف بيبقي احلي بكتير لما صحابك بيبقو من بره مجالك بس في نفس الوقت هوايتكم مشتركه 
بحيث وقت ما تتقابلو يبقي متقابلين تعملو حاجه بتحبوها وفي نفس الوقت مش الشخص اللي في وشك ٢٤ ساعه في الشغل 
شوفي هوايتك ايه أو الأجواء اللي بتحبيها ايه وابدأي روحي أماكن شبهك هتتعرفي علي ناس شبهك وهتبقي مبسوطه بيهم والأهم أن مفيش مصلحه هتبقي بينكم هيبقي كل اللي بينكم كواليتي تايم بجد

Almond_75665 🇪🇬 · Answer

الدليل علي صحه كلامي بردو انك حاليا بتدوري علي صحاب جديده بعد التخرج 
لأن صحاب الجامعه كان بينكم مصلحه مشتركه لما المصلحه دي اختفت أو كل واحد راح مكان مبقتوش مع بعض 
الصحاب بجد اللي مفيش بينهم مصلحه مشتركه وفي نفس الوقت يقدرو يخدمو بعض 
وأهم حاجه زي ما قولتلك سطحي علاقات الشغل بس خليها موجوده عشان دي هتفيدك في حياتك العمليه بعد كده 
هتحتاجيهم في مواقف معينه ليها علاقه بالشغل بس وهما معارف مش صحاب