انا عايزة الناس اللي مروا بتجارب بس هما اللي يردوا عليا ، انا لسه متخرجه و تايهه جدا و سط الحياة و مش عارفه احط اهداف و خايفه من المستقبل و اني لازم اطور من نفسي واعمل حاجات كتير .. ازاي اهدي نفسي ؟ ازاي اعيش اللحظة اللي انا فيها دلوقتي و مشغلش بالي بالمستقبل ؟ الفكرة اني عارفه ان قدراتي عالية واني استحق اشتغل فمكان كويس بس انا حاسه بالاحباط بسببب اني اترفضت مرتين لما عملت انترفيو و مبقتش عاوزة اطور من نفسي و اضايقت جدا .. بسبب التوتر وعوامل تانية كتير كنت بترفض لكن انا عارفه ان مستوايا كويس بس الرفض بدأ يقلل من ثقتي فنفسي و ادخل فدوامة احباط و بقيت بحط نفسي ف اماكن اقل مني علشان احس اني ناجحه ! انا اتهلكت فالكلية و مبقاش عندي طاقة للمذاكرة تاني وانا ما صدقت اني اتخرجت خلاص .. انا عارفه ان كل حاجه ليها تمن بس انا سعيت وواجهت خوفي و برضو متقبلتش يمكن ان ربنا شايلي الاحسن فوقت تاني بس انا مش عارفه مفروض اعمل اي فالفترة دي

2

7