ازاي أقنع أهلي أخطب البنت اللي بحبها وأنا لسه في كلية؟

Question

انا في تالته كلية ازاي اقنع اهلي اروح اخطب البنت اللي بحبها عشان يكون فالحلال حاولت اتكلم معاهم فالموضوع بس مش مقتنعين ؟ 
ازاي برضو اقنع اهلها بالفكرة دي خاصة اني لسه بدرس وهي معايا في نفس الكلية فيه طريقه اقنعهم بيها ولا اسيبها علي الله واتكلم معاهم

Cherry_33789 🇪🇬 · Accepted Answer

حاول تظهرلهم انك شخص مسؤل وتنزل تشتغل وتثبتلهم انك هتعرف تكون بيت لحد اما يقتنعوا
ومدام انت بتحبها فمضرهاش ولا تضر نفسك وخدها باحلال

Coffee_33188 🇪🇬 · Answer

جميل والله انك عايز تدخل البيت من بابه 
بس ي اخويا ف حاجتين مهمين 
اهلك يكون راضيين 
انت تكون شغال ومقتدر ع الاقل تعرف تشيل مسؤلية ومعاك دخل 
غير كدا اتكي ع الصبر وجايز ربنا عنده الأفضل ليك

Watermelon_33770 🇪🇬 · Answer

اتصرف وحوش تمن الشبكه والخطوبه

Guava_31245 🇪🇬 · Answer

كلم اهلك واقنعهم اكيد انت ليك طريقه ف اقناع اهلك ، لكن بالنسبه لاهلها ف لازم تبان قدامهم انك شخص كبير وعاقل كفاية وتنزل تشتغل وتبقى قد كلمتك قدامهم .. وتقولهم بصراحه اني خدت الخطوه دي علشان انا عاوز ابقى فالحلال و  ادخل البيت من بوابه ومعملش حاجه ممكن تغضب ربنا .. هتعلى في نظرهم و هيقدروك اكتر