نفسي مامتي تفهمني وتكون صاحبتي بس مش عارفه ازاي

Question

ازاي اقدر اقرب من مامتي وتبقا صاحبتي برغم انها مش دايما مهتمه بيا ولا بحياتي ولما بحكيلها اي حاجه عن المدرسه اليوم الي بعديه بتنسى .. نفسي تبقا علاقتي بيها قويه بس مش حاسه انها فهماني 
ودايما لما باجي اقولها على حاجه بتطلعني انا الي غلطانه حتي لو انا مبحكيش عن نفسي بحكي عن صحابي مثلا وحد فيهم عامل حاجه غلط بتطلعني انا الي غلطانه اني عرفتهم من الاول ودايما تزعقلي لدرجه اني مبقتش اعرف احكيلها عن حاجه من رده فعلها

Coffee_34680 🇪🇬 · Accepted Answer

بصي انا زيك كدا بالظبط بس اسوأ بمراحل بس ياتختاري صاحب كويس يا تكتبي مذكرا وتطلعي كل الي جواكي لاني حاولت كتير اوي وفضل الحال هو هو لان مامتك هي مامتك مش هتتغير الطبع بيغلب التطبع بس اهم حاجه اوعي شيطانك يخليكي تلجأي ولد بسبب قلة اهتمام اهلك ولا تخلي اي حد يخلكي تضعفي وطنشي لان التأثير هيكون بالسلب عليكي وكل متكبري كل مهتعاني اكتر

Coffee_28231 🇪🇬 · Answer

متحكيلهاش حاجة عنك خالص وتفادى الحتة دي لانه ردة فعلها بتأثر فيك سلبا كل مرة ، مش معنى أنها طلعتك غلط انك غلطان، وامي كدا برضو ، من صغري لما احكيلها حاجة تقولي يا عبيط ليه عملت كدا وكلام من ده، وحتى لو عملت حاجة انا متأكد انها صح زي اني لما حد من قرايبي البنات جات تصافحني مسلمتش عليها عشان هي بنت والنبي مكنش بيصافح النساء خالص، المهم شوف حد غيرها تحكيله زي صاحب صالح عشان يشجعك،

Watermelon_36872 🇪🇬 · Answer

معنديش صحاب كتير بثق فيهم وموضوع اني مش عارفه اتكلم معاها ولا احس اني بتكلم مع صاحبتي تاعبني نفسيًا اوي وبقيت ازعل منها واتقمص من اي حاجه