خايفة أقول لماما عن علاقتي بسبب غيرته وعصبيته

Question

انا اتعرفت علي واحد من سنتين و علاقتنا كويسه اووي الحمدلله و لسه مستمره بس هو عصبي اووي و غيور بغباء و بسبب غيرتو و عصبيتو بنتخانق كتير و بنسيب بعض كتير و المشكله اني انا كمان غيوره اووي و عصبيه المهم يعني هو معرفني على اهلو كلهم و نا معرفاه على خالتي و تيته مامت ماما و يعتبر نص عيلتي عرفينو و عرفين اهلو ماعدا امي و ابويا المهم بقي انا عوزا اعرف امي بعلاقتي انا و هو بس خايفه تبعدني عنو لان ماما مش شبه خالتي خالص امي ملهاش ف الكلام ده و لا عاشت كل ده ف سن مراهقتها زمان عكس خالتي عاشت كل ده ف فهماني و خالتي بتقولى امك مش هتوافق ع حاجه زي دي عشان عمرها م عاشتها زمان و مبتحبش الحاجه دي الخلاصه يعني اعمل اي اعرف ماما ازاي ولا معرفهاش و اسيب الدنيا تمشي بظروفها

Marshmallow_15796 🇪🇬 · Accepted Answer

ما والدتك إلا انسانه تربت علي الاخلاق ولقيم ولدين فقط 
ولخالتك الله يهديها ولاكن انها تساعدك علي الخطئ فكري فيها قليل مع الله وستفهميم ما اخبرتك بيه والدتك دون ان تتكلم

Mango_15868 🇪🇬 · Answer

نصيحه لله والله 
ابعدي عنه لان ما بيني ع باطل فهو باطل وكمان لو هو نصيبك هيجيلك

Mango_15868 🇪🇬 · Answer

https://youtu.be/Q9RiTKlCTfo اسمعي دا انا كنت شبهك والله ودا حسبت انه اشاره فشوفيه مش هتخسري حاجه

Apple_15870 🇪🇬 · Answer

عارفه اني هلاقي مسدجات من دي كتير بس اكيد انتو عرفين ان الحوار صعب غير ان الحمدلله يعني هو كويس و معرفني على اهلو كلهم و اهلو بيحبوني يعني ف نيتو يتقدملي و حوار اني ابعد ده صعب اووي بجد دول سنتين و مش هعرف بجد

Watermelon_15659 🇪🇬 · Answer

الصراحة مامتك عندها حق و خالتك لا.. حتى لو خالتك بتحاول تراعي مشاعرك لكن ده باطل و مش صح.. بلاش تقعدي مع واحد خارج الحلال او تخفي اي علاقة عن اهلك و عرفي مامتك و اشرحيلها.. لو بتحبيه و بيحبك فهميه الوضع و صارحيه انك عايزة علاقتكم في الحلال ولو انتي صغيرة ممكن تستنيه او لو هو جاهز دلوقتي يجيلك.. الطريق الي اوله غضب ربنا اخره حزن ليكي ف بلاش عشان هتكسري قلبك جامد و الاحلام الوردية مش حقيقية

Watermelon_15659 🇪🇬 · Answer

برضو من ناحية الغيرة ف الرجل غيور بطبعه لكن لو متحكم و اسلوبه لا يُطاق و فيه قلة ادب او انه يجي على حقك ف دي مش رومانسية ولا غيرة دي عقدة نفسية.. و برضو انتي متعمليش كدا بالمقابل

Apple_15870 🇪🇬 · Answer

هو فنيتو انو يتقدملى والله و نا واثقه من كده بس هو لسه 1جامعه ولسع بادئ حياتو و لسه بيدور على شغل و مش معاه ولا اي حاجه حرفيا زي مقولت لسه بيبداء حياتو و المشوار قدامنا طويل اوووي و هو لو معاه الشقه بس حرفيا كان زمانو جاي يتقدم من بدري هو نفسو يجي بس مش معاه اي حاجه و اهلى هيرفضوه

Mango_15868 🇪🇬 · Answer

يابنتي والله العظيم مش هتسريحي وصعب دلوقتي احسن من قلبك يتكسر مليون حته بعدين والله قلبك لو اتكسر هتفضلي سنين تحاولي تصلحيه ويمكن متعرفيش والله العظيم تحطيم القلب دي اوحش حاجه اسالي مجرب فابعد والله لو من نصيبك مش هسيبك وهيفضى يحاول علشان تكوني معاه مش بلكلام والله بلافعال

Avocado_15867 🇪🇬 · Answer

متبنيش حياتك على شخص انتى مش ضامنة أن هو يفضل معاكى و مهما كان  بيموت فيكى لو مش مكتوب أن مش نصيبك هيبقى مش نصيبك قربى من ربنا صدقينى و قوليو علاقتنا دى حرام عايزنى فى الحلال تعالى اتقدملى و هفضل مستنياك موافقش و بقا بيتحجج يبقى هو مش شارى يا بنت الحلال متحطيش راس ابوك فى الأرض بسبب حب حرام شوفى ابوكى و مامتك تعبو اد اى عشان يكبروكى و فى الاخر تحطى رأسهم فى الارض وسط الناس ارجوكى إلا كسرة الاب💔

Apple_15870 🇪🇬 · Answer

مش كل العلاقات زي بعضها م يمكن نكمل باذن الله انا لو قولتلك هبعد ابقي بكدب عليكي و على نفسي لان مش هعرف انا اتعلقت بيه بطريقه فظيعه

Mango_15868 🇪🇬 · Answer

عارف ان مش كل العلاقات زي بعضها بس والله كلها بتوظ حياتنا 
بديتها حب وحاجه اخر حلاوة بعد كدا ملل الملل دي بيودينا لحته مش هتحبيها بعد كدا اعتياد ودي اوحش من ال قبلها عشان كدا بقولك وبنصحك من اولها دوسي ع قلبك علشانك وعلشان ربك والله انا خايف عليكي والله انا مجرب وعارف

Marshmallow_15796 🇪🇬 · Answer

وكل ما اظنه ان والدتك زهره متفتحه بين اهلها ♥🌹

Watermelon_15889 🇸🇦 · Answer

ممكن كلامي يجرحك شويه بس بجد ابعدي عنه لأن من اول العلاقة غيره وخناق وده انتوا بتحبوا بعض بس اومال لو بقيتي حلاله هيتصرف فيكي وهيسيطر عليكي ده اولا ..ثانيا من الاول اصلا بلاش علاقات محرمة بلاش نهائي والله واستودعي رزقك على ربنا وانا متأكدة ربنا هيرزقك شخص هتعيشي ملكة معاه عارفه ليه عشان انتي سبتي حاجة حرام خوفا من ربنا وعوض ربنا عظيم والله 🥹

Strawberry_15892 🇪🇬 · Answer

حاولى تخليه هو يكلم مامتك و يقولها انه لما يكبر هيتقدملك مثلا و بكدة هي تطمن و ف نفس الوقت تكون عرفت حتى لو بعدتك عنه بعدين