ازاي أعرف إنه شخص كويس ولا بيمثل قبل الجواز؟

Question

يا جماعه ازاي اعرف ان الراجل الي عاوز يتجوزني فعلا انسان طيب و كويس ولا بيمثل وبعد الجواز هيتغير عشان في بنات كتير بيحصل معاهم الموقف ده وبيطلع انسان مش كويس بعد الجواز بفتره و بيتخدعو في البداية

Potato_26031 🇪🇬 · Accepted Answer

عندي نفس المشكلة

Hazelnut_64540 🇪🇬 · Answer

الطبع يغلب التطبع يعني مثلا في حاجات صغيره مثلا زي ما اكون غضبان وهو بيتعامل معاك السيد ما تكوني انت مزعلاه وعايزه يصالحك وهو بيتعامل معاك ازاي لما يبقى هو الغلطان وهو اللي هيصالحك هو بيتعامل معك ازاي الحاجات دي هي اللي بتبين الحاجات الصغيره مش الشكل العام

Mango_61379 🇪🇬 · Answer

انصحك بشخص اسمه على اليوتيوب هادي جنيدي لتحليل الشخصيات الشخص دا ممكن يحللك شخصيتك وشخصيته من خلال ملامح الوجه "علم الفراسة"

Mango_64637 🇪🇬 · Answer

مفيش ضمان بس في حاجات بتبان من أولها الشخص اللي بيحترمك وبيتعامل بوضوح ومش بيغير وشه قدام الناس غير عن لما يكون لوحده ده غالبًا حقيقي مش بيمثل اللي بيهتم بتفاصيلك وبيتصرف في المواقف مش بيحكي كلام بس واللي أهله بيعاملوكي كويس وبيسأل عليكي من غير مصلحة ده مؤشر كويس اسألي عليه كويس وركزي في الأفعال مش الكلام لأن اللي بيمثل بيقع في أول أزمة والنية الطيبة مش كفاية لوحدها

Lemon_64500 🇪🇬 · Answer

للأسف مفيش ضمانات ف ادعي ربنا يرزقك بحد كويس و حنين 
فيه اللي بيرسم كدا ف الأول و فيه اللي تغيره بيكون سهل أو مفكرش ف علاقتكم كويس قبل ما يكمل معاكي

Orange_61792 🇪🇬 · Answer

لا مفيش اي حاجه تقدري تتأكدي بيها ،او يقدر هو يتأكد بيها 
انكم مش هتتغيروا بعد الجواز 
لذلك العاقل و العاقله هم اللي مش بيتصنعوا خالص في فترة الخطوبة

Avocado_64171 🇪🇬 · Answer

اولا ماتتسرعي وطولي فترة الخطوبه شوية واكيد خلال فترة الخطوبه هيحصل مواقف تعرفك تكملي علي طبعه ده ولا لا ولو في اي اشارة تقولك أنه ماينفعكيش اوعي تتجاهلها  لأن هيكون لسه في حاجات هتبان بعد الجواز فمبدأيا طباعه اللي باينه هتتقبليها  ١٠٠% يبقي بعد الجواز هيكون في تقبل للي هتكتشفيه الي حد ما والله الموفق

Strawberry_51101 🇪🇬 · Answer

خدي دورة في التأهيل ما قبل الزواج علشان منها هتعرفي تصرفات الشخص الي قدامك بتدل ع ايه