مش قادرة استحمل كلام أهلي وتفريقهم في المعاملة

Question

ممكن حد يعلمني ازاي اخلي عندي مناعة ضد كلام الناس وأرضي بقضاء الله وماخليش اي حاجة تاثر عليه مهما كانت أنا صحتي ضعيفة وكل شوية اسمع اهلي يتكلموا او يقولوها في وشي حتي ان هما نفسهم في بنت غيري وان أنا ابتلاء ليهم من اول ما اتولدت بسبب ضعف صحتي الأوفر والفلوس اللي بتنصرف عليه وعلي صحتي لما بسمع الكلام دة بلاقي نفسي مش عارفة ارضي بحس ان الله قادر يخليني صحيحة بس هو ليه حكمة بس مش قادرة استحمل كلام اهلي وتفريقهم في المعاملة وعايزني اقتنع كمان ان أنا من أهل الابتلاء ومش لازم يحبو واحدة من أهل الابتلاء كفاية ان هما مستحملني وبيوفروا لي الأساسات

Marshmallow_41013 🇪🇬 · Accepted Answer

في حاجه انا سمعتها عن شيخ وهو بيقول ان الانسان اللي بيبتلي في الدنيا ربنا مبيبتلهمش في الاخره لدرجه ان وهما دخلين الجنه الكل نفسوا يبقوا زيهم فأوعي ولو للحظه واحده تفتكري ان ده شر ده خير وربنا خلقنا ديما في احسن صوره حتي لو كان فيها عيوب فده الاحسن لينا وربنا معاكي

Orange_38207 🇪🇬 · Answer

بصي يابنتي النصيحة هنا انك تبقي قوية وماتسمحيش لحد يقولك كده ده اسمه تنمر روحي لدكتور تغذية وخليه يتابع معاكي اكلك ونظامك الغذائي وده هيفرق معاكي جدا وهتبدأي تتحسني ف الناحية الصحية لكن بالنسبة لباقية الكلام زي انك ابتلاء وكده ف انتي لازم تزعقي وماتسمحيلهمش يقولولك كده. زي ماقولتي ربنا قادر يغير حالك ف لحظة بس لازم ناخد بالاسباب ونبقي اقوي علشان تساعدي نفسك وربنا يساعدك ان شاء الله

Sugar_46960 🇪🇬 · Answer

لا يا حبيبتي انتي مش ابتلاء ربنا عمره ما بيعمل حاجه وحشه انتي بس اهتمي باكلك ومتسكتيش علي كلام اهلك تاني خليكي قويه لنفسك و اجمدي واتعلمي حاجات جديده واهتمي بنفسك وبصحتك وتبعي عند دكتور يكون كويس وملكيش دعوه بكلام الناس متخليش حاجه تاثر عليكي انتي اقوي من ما تخيلي خلي عندك اصرار واثبتلهم انك هتبقي كويسه مش علشانهم لا ده علشان نفسك سيبك من كلام الاهل هيدمرك متحطيش حاجه في دماغك غير انك تبقي كويسه