أنا عندي 15 سنة، وكل يوم بحس إن لازم أطور من نفسي. الحمد لله عندي مواهب كتير بحبها وبشتغل عليها، زي الكروشيه والرسم والتلوين والهاند ميد، خصوصًا شغل الخرز والشنط. مستوايا فيهم حلو جدًا، وأوقات بحس إني سابقة ناس أكبر مني. لكن في حاجات تانية بتلخبطني وبتعقدني، زي إني أبدأ أتعلم لغة جديدة. أنا أصلًا متعلمة إنجليزي وفرنساوي، وبقدر أتكلمهم بطلاقة. لكن لما حاولت أبدأ في الصيني، حسيت إني تايهة ومش عارفة أبدأ منين. حتى لما جربت أتابع فيديوهات أو أستخدم برامج زي دولينجو، حسيت إن الطريقة مش واضحة ومش بتمشي معايا. جربت منصة اسمها "طليق" وفهمت منها حاجات، بس الترتيب كان بيشتتني، ومكنتش عارفة أتابع الحلقات صح. نفس المشكلة بتحصللي مع حاجات تانية نفسي أتعلمها، زي بليندر. بحاول أتعلم من اليوتيوب، بس بحس إني مش عارفة أرتب خطواتي أو ألاقي البداية الصح. أنا مشكلتي الأساسية إني محتاجة حد يوجهني ويقولي أبدأ منين وإزاي أرتب نفسي، علشان أعرف أكمل من غير ما أحس إني تايهة.

7

9