أعرف حد كتوم بيزعق فجأة.. أعمل إيه؟

Question

طب دلوقتي انا اعرف حد عنده مشكلة إنه كتوم .. الموضوع مش مضايقه خالص ده بالعكس بيرتاح لما يقعد يكلم نفسه بس احيانا بقا بيضغط نفسه و يراكم مشاعر سلبية كتير ف ييجي مرة واحدة يزعق و يتعصب جامد حتى لو على ناس معملوش حاجة هو شخص طيب و كويس والله بس لما بيتعصب بيزعق جامد حتى لو لنفسه حرفيا 
الدايرة المحيطه بيه بيقولوا يروح لدكتور نفسي بس هو نفسه بيقول لو روحت حتى مش هعرف احكي حاجة عشان هو طبيعته كده 
ف تنصحوني ازاي انا اقدر اتعامل مع كده انا الموضوع مش مضايقني ولا حاجة بس هل انا اقدر اخليه ميبقاش كتوم كده ؟ مع العلم إنه بيحكيلي احيانا عن احداث يومه يعني .. شكرا

Biscuit_51677 🇪🇬 · Accepted Answer

انا زيه ولاني في نفس حالته بقولك حتي لو راح م هيعرف يتكلم ولا يعبر عن الي حاسس بيه ممكن تنصحه يكتب انا جربت الكتابه فتره منفعتش معايا اه بس في ناس كتير نفعت معاهم خليه يجرب ومتجبروش علي أنه يعملها خد برأيه

Mango_51864 🇪🇬 · Answer

شكلك بتتكلم عني واللة

Cookies_51861 🇪🇬 · Answer

المشكله انو كتوم لازم يتكلم عشان الكتم للأسف الإنسان بيجي مره واحده كدا ويتعصب ع اتفهه الأسباب 
والمفروض يتحكم ف اعصابه شويه ويبقا اهدا دي حاجه لازم يشتغل عليها

French Fries_32710 🇪🇬 · Answer

هو بالفعل هادي جدا بس بيتعصب بسبب إن الكتم ده او الزعل و المشاعر السلبية مع الوقت و ضغط الدراسة و كده بيتحولوا لغضب

French Fries_32710 🇪🇬 · Answer

🙂🙂

Coffee_29532 🇪🇬 · Answer

يا ولد هذا انا

Watermelon_40303 🇯🇴 · Answer

المشكلة اما منه او من تريبته او من محيطه ، فمنه انه يظن ان النفع او الضر بغير الله او يعطي اي شخص اكبر من حجمه او الاهتمام أكثر من اللازم بآراءه ،ومن تربيته انه ممكن تربى ببيئة الكلام فيها يعطي اكبر من حجمه ولا يحتمل الخطا او التسليك و التغافل فيها، او من محيطه الذي يتصيد او نفسه غير سليمة و ما ذكرته قبل من مساوء

French Fries_32710 🇪🇬 · Answer

قولتله قبل كده عليها معرفش جرب ولا لا

French Fries_32710 🇪🇬 · Answer

هي الفكرة مش في كده هو الحمد لله متدين و قريب من ربنا بس الفكرة في إنه مش بيحب يتكلم مع حد عشان مثلا اللي قدامه مش هيفهمه او هيفهم بطريقة غلط او هو هيبقى مضطر يبرر كتير و هو مش قادر ف علشان كده مش بيتكلم مع حد عن اي حاجة مضايقاه عشان مش عايز يبرر و مش هيبقى مرتاح

French Fries_32710 🇪🇬 · Answer

يا ولد هذا الابليكيشن كله 🙂

Mango_51124 🇪🇬 · Answer

يارب شخص يعرف يطلع مني كلام

French Fries_32710 🇪🇬 · Answer

تقدر تقول هنا

Mango_51124 🇪🇬 · Answer

لا انا قصدي ان انا الشخص الكتوم ده 
وبتمنى الاقي حد يطلع مني الكلام ويسأل ازاي يعمل كدا ويبقى مهتم

French Fries_32710 🇪🇬 · Answer

اااه فهمت 
ربنا يرزقك ان شاء الله بحد يكون كده بس انا دلوقتي انصحك لحد ما تلاقي بقى الحد ده إنك تكتب في ورقة كل اللي مضايقك انا جربت الموضوع قبل كده كتير و نفع و ربنا معاك 🫶🏼

Strawberry_42174 🇩🇿 · Answer

جرب اساله بطرق غير مباشرة او مثلا تطرح عليه اسئلة فلسفية شوي زي انو ليس كل واحد عنده شخصية مختلفة او ليه الدجاجة مش بتطير الأسلوب هادا بينفع معي عشاني انا نفسي شخص كتوم وفي العادة الكتوميين يفكرو كتير فجرب وقلي اذا نجحت او لا 🌸🍓✨👍🏻

Orange_51040 🇪🇬 · Answer

دة بيبقى محتاج حد يقرب منه عشان يفهمه اكتر

French Fries_32710 🇪🇬 · Answer

انا فاهماه بس الفكرة إنه في حاجات كتير بتحصل و هو بيبين إنه بيتجاهلها و إنها مش مهمة مع إن هو متضايق جدا و ده طبعا بيأثر عليه بعدين