مش عارفه اتخطي بعد ما سبني وهو عارف اني بحبه

Question

انا كنت ليا علاقه بولد المهم انو اكبر مني ب 9 سنين كنا بنتكلم ك اخوات بس انا كنت بحبو جدا و هو كان بيحب بنت و كان بيحكيلي عنها و كنت مكمله معه المهم البنت دي سبتو و هو لسه بيحبها واحنا كنا كويسين اوي مع بعض لغيت يوم كدا قالي ازيك احنا م هينفع نتكلم تاني و أن دا غلط و كان لازم يتعمل م بدري و انو اتاخر و احنا كنت بنتكلم بقالنا8 شهور و عملي بلوك م كل النواحي وانا عملت برضو و مبقناش نتكلم م يوم 10/21 وانا مصدومه و مكنتش اتوقع دا منو خالص و م سعتها وانا م عارفه اتعامل بطبيعتي و بقيت حد غريب و م فاهمه هو عمل كدا لي مع اني كنت متعلقه بيه اوي اوي. و هو كان عارف دا و سبني برضو المهم دلوقتي اني م عارفه اتخطي الموقف خالص اعمل اي ؟؟؟!

Strawberry_36113 🇪🇬 · Accepted Answer

بصى انتى لازم تعرفى أنه كل اللى حصل ده من الاول غلط انك تعلقى نفسك بحد مرتبط انتى كده بتظلمنى نفسك وهوه طبيعي أنه يسيبك عادى لانك ببساطه انتى مش بالنسبالو حاجه ولازم تفوقى لنفسك كده وتعرفى انك متستهليش كل ده وانك تستحقى حد يحبك ويحارب علشان مش حد يخدك ينسى بيكى حد حتى لو هوه رجع انتى مينفعش ترجعى لازم تقدرى قيمه نفسك بجد

Blueberry_34794 🇪🇬 · Answer

فكري في نفسك وانه حتي محاولش يفهمك ومع الوقت هتعرفي انه مكانش خير ليكي وفي حاجه كمان انه غالباً رجع للبنت اللي بيحبها دي ف انتي اكيد تستاهلي كل خير ❤️

Mango_36129 🇪🇬 · Answer

هو فعلا كان غلط من الاول انكو اتكلمتو هتقولو لنفسكو انكو اخوات او اصحاب لكن من جوه كل طرف بتظهر مشاعر غلط اتجاه الطرف التاني وممكن يبقا الحب من طرف واحد زي محصل معاكي لكن نصيحة متحاوليش تكلميه تاني او تفكي البلوك ده الافضل ليكي انتي بس زعلانة عشان كنتي متعودة عليه وكنتي متعلقة بس هتعدي الايام وهتتخطي وهتبقي بخير وهتعرفي ان اللي حصل ده صح عشان كنتي هتفضلي تحبيه من طرف واحد وانتي بس اللي هتتأذي