ازاي أتخطى الذكريات معاها؟ الذكريات عدوي

Question

من غير دخول في تفاصيل 
أتخطى ذكرياتي معاها ازاي ؟ 
كدا كدا مينفعش نرجع .. للأسف دمرنا بعض 
ويمكن أنا أصلا بطلت احبها كمان زي منا متأكد أنها بطلت تحبني 
لكن الذكريات .. هي العدو الوحيد اللي مش قادر احاربه .. ولا أتجاهله ..
تنصحوني بـ إيه ؟

Banana_71311 🇪🇬 · Accepted Answer

افتكر الوحش بس هتنسيك كل الذكريات الحلوة

Apple_75487 🇪🇬 · Answer

دمرتو بعض كلمه قاسيه ازاي اصلا كنتو بتحبو بعض ودمرتو بعض

Apple_77997 🇪🇬 · Answer

بقالنا سنين مع بعض ، عرفنا بعض في سن صغير ، وواجهنا مشاكل كانت اكبر مننا بكتير

ده غير ان حياتنا احنا الاتنين مكنتش سويه نفسيآ 
عوامل كتير خلت كل حاجه تبوظ ..

Strawberry_78063 🇪🇬 · Answer

النسيان صعب بس رحمة من ربنا ..انصحك تتشغل اكيد مش بواحده تانيه بس الانشغال عموما بيخليك تبطل تشتاق و تسلم لافكار مش عايزها انشغل بعمل او هوايه او عباده كل ما تفكر فيها علي طول اعمل حاجه تانيه

Blueberry_73521 🇪🇬 · Answer

تعمل ذكريات جديدة مع نفسك وتفقد فكرة التعلق بحد عمومًا قبل ما تتعلق بنفسك الاول

Corn_71709 🇪🇬 · Answer

لو عرفت قولي 😢

Marshmallow_72497 🇪🇬 · Answer

اول حاجة الدعاء ثم الدعاء ثم الدعاء و امسح اي حاجة بينكم صور ..شات..اي وكل حاجة

Apple_77997 🇪🇬 · Answer

بشتغل الحمد لله
وكلها شهور واتخرج 
والحمد لله محقق نجاحات اكبر من سني

لكن مفيش لحظه واحده قدرت ابطل أفكر فيها .. أو في ذكرياتنا تحديدا بحكم انه عشره طويله

Apple_75487 🇪🇬 · Answer

كل علاقه حرام لا ترضي الله آخرها يا صاحبي وجع وحرمان وكسره ارجع لله واشتغل والهي نفسك بالحياه والدنيا وذكر الله قبل اي حاجه

Apple_77997 🇪🇬 · Answer

منا ماسح كل حاجه 
أنا عايز حل للحاجات اللي مبتتمسحش 
عايز امسح دماغي
مفهوم ؟

Apple_77997 🇪🇬 · Answer

أوعدك

Apple_77997 🇪🇬 · Answer

ازاي ؟ 
ممكن اعمل ذكريات مع نفسي ازاي ؟

Cherry_68944 🇪🇬 · Answer

لو كنت فعلا بطلت تحبها مكنتش طلب تعرف ازاي تنساها
بدايه التعافي انك تشوفها وميكونش عند شعور لا بخير ولا بشر من نحيتها

Apple_77997 🇪🇬 · Answer

مش مهم المسمى ، المهم إني فعلا عايز أتخطى الموضوع كله وخلاص ، لأني مدرك كويس اوي استحاله وجود حاجه بينا تاني .. مبقاش ينفع