عايزه أتغير وأبقي انسانه جديده - ازاي أكون حلوه؟

Question

ازاي أبقي حلوه والناس تبقي عايزه تكلمني بجد الموضوع مأثر عليا حاسه اني شكلي مش حلو وحتاجه اغير كل حاجه انا مش عايزه نصائح زي تقبلي وده عدم ثقه والمفروض تبقي واثقه ف نفسك انا عايزه اتغير فعلاً عايزه ابقي انسانه جديده بحياه جديده وناس جداد نفسي القديمه دي عكت اوي وعملت حاجات مش عايزه تفتكرها ساعدوني!

Coffee_27700 🇪🇬 · Accepted Answer

الناس مش هتبقى عايزة تكلمك عشان حلوة. اهتمي بشكلك انك تكوني نضيفه نائمة كويس فمش شكلك تائهة ولا مرهقة هدومك مغسولة واستايل لبسك لائق عليكي وألوانه متناسقة. واهتمي بصحتك وأكلك ووزنك والعبي رياضه.
مهم برده مع ده انك تطوري شخصيتك تفهمي نفسك وتفهمي الناس وتبقى ناجحة

Kiwi_49072 🇪🇬 · Answer

اتعرفي ع ناس جديده سهله

Durian_46117 🇪🇬 · Answer

المشكله اني مش فاهمه ابدا بأيه او استخدم اي عشان افهم الموضوع احسن فاهماني

Chilli_48447 🇪🇬 · Answer

انتى أصلا انسانه جميله من غير اى حاجه لان كلام الناس ولا هيقدم ولا هيأخر إلى عايزك هيعوزك لشخصك وان مش عايزك عشان مصلحه خلى نفسك وشخصك من أولوياتك طورى من نفسك فى كل حاجه من دراستك لو بتدرسى من شغلك لو شغاله كل ده هيفرق معاكى حرفيا وهو الواحد يطول انه يتعرفى عليكى د انت ست البنات وفى اى وقت احتجتى تتكلمى او اى حاجه ابعتيلى هتلاقينى معاكى ان شاء الله

Cherry_31224 🇪🇬 · Answer

ايوا وانتي عايزه يبقي شكلك حلو اكتر ليه دا انتي الي ربنا خلقت ربنا عمره ما بيخلص ناس شكلهم وحش ربنا وخلقنا كلنا حلوين 
انتي الحاجه والوحيده الي لازم تعمليها انك تقدري نفسك هو في حد بيبقا عنده فراري ومبيهتمش بيها اكيد انا محتاج اجاوب 
بس عايز اقولك ان في ناس كتير شكلهم واو ماشاء الله عيون خضرا شعر اصفر حرير وشخصياتهم زي الزفت 
لازم تعاملي نفسك علي ان انتي الجايزه 
انتي مش اي حاجه

Cherry_31224 🇪🇬 · Answer

لما تعاملي نفسك علي الأساس دا الناس هتعاملك علي نفس الأساس بردو 
استني بنفسك ولازم تنسي حاجه اسمها عقده الكامل مفيش حد كامل يا اختي
وانا طفل كنت كدا بردو لنا كبرت بقا وعملت الي قلتلك عليه بقيت افضل والله 
ولازم تخليكي شخصيه اجتماعيه خليكي علي طبيعتك خليكي فريس دايما عندك طاقه اعملي كل حاجه بتحبيها والي نفسك تجربيه جربيه انتي مش هتخسري حاجه اي يعني لما نجرب 
وديما متشغليش بالك بالشكل خليكي علي

Cherry_31224 🇪🇬 · Answer

خليكي علي طبيعتك دايما دا بردو مش معناه اننا نهمل فنفسنا لا طبعا نهتم 
وهلي فدماغك ان (انا اولا والباقي بعدين )
متهتمش بالناس وتنسي نفسك لالالالالالا اشوف مصلحتي الاول وبعدين الناس بقا انا فاضيه واشغلي نفسك خلي عندك هوايات

Strawberry_21963 🇪🇬 · Answer

لو انتى فعلا مش حابه شخصيتك القديمه فكري فازاى ابقي حد جديد بنسخه اجمل من اللي فاتت جربي تقرأى كتب منها تفهمي نفسك اكتر و تثقفي نفسك و تعرفي اللي انتى عايزه توصليله ده توصليله ازاى.لو في ناس تعرفيها بتأثر عليكي بالسلب من ناحية أنهم بيقللوا منك و بثقتك بنفسك ابعدي عنهم و تجنبيهم و اهتمي باللبس لو حابه تنزلى في الوزن اعملى كده بس الاهم بجد أنك تغيري تفكيرك و عقليتك للاحسن ده اللي بيشد الناس مش الشكل

Coffee_49110 🇦🇪 · Answer

الحياة هي الحياة احنا اللي بتغير بنقابل ناس تسيب اثر او علامة تغيرنا ومع الوقت بنبقا ناس تانيه
 عايزه تتغيري شوفي ليه انتي حاسة انك محتاجة الاهتمام ولفت الانتباة ليه حاسة انك محتاجة الناس تكلمك وتتعرف عليكي 
ليه بتستمدي نظرتك لنفسك من عيون الناس وارائهم فيكي
فكري واكتبي اجابات للاسئلة دي واما تعرفي اجابتها الحياة هتتغير في عنيكي والناس كمان

Apple_13812 🇪🇬 · Answer

اهتمي بنفسك حتى لو حاجات مش ظاهرة زي مثلا النضافه الشخصيه و اهتمي بدراستك أو شغلك اهتمي بلبسك و احرصي على أن ديما شكلك يبقى نضيف و مهندم و محترم كل ده بيديكي ثقة في نفسك  الناس علفكرة مش بتنجذب خالص للشكل حتى لو حصل بيبقى اعجاب مؤقت الناس بتنجذب فعلا للناس المحترمين اللي واخدين بالهم من كلامهم و تصرفاتهم و المهتمين بنفسهم و مقدرين نفسهم و دايما بيحاولو يطوروها و اعرفي أن قيمتك مش في شكلك خالص والل

Apple_49204 🇪🇬 · Answer

انزلي چيم اول حاجه وظبطي جسمك 
لو عندك مقدرة تروحي لدكتور جلدية وتظبطي شعرك وبشرتك روحي متاخديش من كلام النت والمنتجات اللي بيقولوها بجد بلاش 
وخلي عندك صبر مفيش حاجه هتيجي في يوم وليله 
واهم حاجه اهتمي بنظافتك الشخصيه
هاتي غسول للوجه مناسب ليكي أو اللي الدكتور هيقولك عليه لو هتروحي لدكتور
وسنانك طبعا اغسليها مرتين في اليوم 
وكل الأساسيات دي ولو مش عارفه اعملي سيرش على يوتيوب أو جوجل

Apple_49204 🇪🇬 · Answer

وحاجه كمان متعطليش نفسك عشان حاجه مش هتعرفي تعمليها دلوقتي 
يعني مثلا لو مش هتعرفي تنزلي چيم اعملي تمارين في البيت حتى لو بسيطه ممكن بردو تشوفي ڤيديوهات يوتيوب وتعملي معاهم 
ولو مش هتعرفي تروحي لدكتور جلدية ظبطي أكلك وكل حاجات مفيده واهتمي بشعرك وببشرتك بالامكانيات اللي عندك

Apple_49204 🇪🇬 · Answer

وعايزه اقولك حاجه 
اهم حاجه شخصيتك، يعني لو انتي شكل من غير شخصيه هتحسي انك فاضيه من جوا وملكيش قيمه ومحدش هيعبرك صدقيني،ف ركزي مع نفسك وحددي مبادئك  الاول و الشخصيه اللي انتي عايزه تبقي عليها ،واهتمي بدينك وبدراستك ومخك متسيبيهوش يصدي اقرأي كتب واتعلمي متركزيش على انك تكوني شكل وخلاص، عشان لو فضلتي بنفس العقليه اللي كنتي بتتعاملي بيها قبل كدا وعكيتي الدنيا بيها.. هتلاقي حياتك الجديده دي باظت هي ك

Apple_49204 🇪🇬 · Answer

باظت هي كمان (الحروف خلصت) 😂