ازاي ابطل افكر في حد حبيته من طرف واحد؟

Question

حد يعرف ازاي ابطل افكر في حد حبيته حب محدش يقدر يتخيله بس للاسف كان من طرف واحد
مع العلم انها قريبتي والعلاقه بينا كصداقه كبيره
وانا كل لما احاول ابعد علشان ارتاح هي تقرب ولما افتكر أنها حبتني يطلع تفكيري غلط
ازاي اقدر انهي علاقة الصداقه دي لانها مؤلمه اوي بالنسبه ليا من غير ما الطريقه تضايقها 
وعايز كمان ابطل افكر فيها
لاني طول الوقت متخيل نفسي معاها متخيلها زوجتي 
مش عارف اتقبل فكرة انها مش عايزاني 
حاسس إن ده بسبب طريقتها في المعامله معايا حتى لما باجي ابعد هي بتقرب وبطريقه غريبه ولو قربت زيها تبقى عاديه خالص 
هل في حلول؟

Chilli_57773 🇪🇬 · Answer

صارحها بمشاعرك و لو لقيت ان فعلا من طرف واحد فهمها انك محتاج تقطع اي علاقة بيها عشان تعرف تتخطي و كل ما تيجي في بالك اشغل نفسك بأي حاجة هتاخد وقت وبعد كده هتنسي

Watermelon_32587 🇶🇦 · Answer

كيف عرفت انها ماتكن لك المشاعر واذا في مجال وفي سنه زواج تزوجوا او على الاقل كتب كتاب. العلاقه الرماديه اللي بينكم متعبه فعلا مثل ماقلت
وعشان هالسبب مافي صداقه بين البنت والولد بس يعني فكر في الخطبه لو تقدر

Potato_27813 🇪🇬 · Answer

لو انت كل ما تبعد هي تقرب في احتمال تكون عايزه تستفيد من وجودك بدون ما تدخل في علاقه جديه معاك بالتالي الوضوح هو اللي هيحط حد لكل تعب القلب ده روح للبنت و قولها أنا بحبك و مش شايف اننا صحاب لو تجاوبت معاك تما لو لاء يبقا أقطع علاقتك بيها يا ابن الحلال و زي ما حبيت مره هتحب تاني أبشر ربك كريم