اخويا الكبير حلف عليا أجي اقعد عنده يومين في شقته علشان جوزي مسافر وفي معانا شوية مشاكل وانا حاليا قاعدة عند اهلي المهم انا كنت رافضة وبعد محايلات وافقت هو كان في شغله لما خدت عيالي ورحت لقيت مراته وامها فبقولها اخويا حلف عليا اقعد عندكم يومين معلش بقي هنزعجكم في اليومين دول ردت عليا قالتلي ده اكيد اتجنن هو مقاليش انك هتقعدوا يومين عندنا قالي انك هتيجي بس قولتلها خلاص متزعليش انا هاخد اليوم معاكو وهمشي ردت امها قالتلي ويجي ويحلف عليكي تباتي وانتي ما تصدقي تقعدي طبعا وقالتلي يله ياختي من هنا من غير مطرود انتي جاية تنكدي علي بنتي وتخربي بيتها زي ما خربتي بيتك وزقتني جامد انا طبعا اتعصبت وقلتلها متمديش ايدك عليا واذا كان علي البيت ده بيت اخويا كمان مسكوني هي وبنتها ضىرب فيا وفي بناتي وجرجروني لحد باب الشقة في اللحظة دي وصل اخويا وشاف اللي عملوه فيا ضىربها قلم ورمي عليها يمين الطلاق وطردها هي وامها ودلوقتي عمالين يقولو اني انا السبب ويتحسبنوا عليا والله العظيم اللي حصل اللي حكيتوا ده والله ما في نيتي كدة ابدا ولا نيتي اخرب عليها انا نفسيتي مىدمرة والناس ليها الظاهر وكلهم بيقولو عليا خرابة بيوت انا مش عارفة اعمل إيه ولا اتصرف ازاي

25