اختي مش موافقه علي خطوبتها وغصب عنها يا جماعه

Question

يجماعه والله كلامي مهم جدا جدا يا جماعه اختي الكبيره دي اغلي حاجه عندي اغلي من نفسي تمام هي كليه نظم ومعلومات وامي وابويا منفصلين وجالها عريس دبلوم وهو شغال في شركه يعني صغيره يشرف علي ناس وامي موافقه بس اختي مش موافقه ولا أناا ابدا وامي عوزتها تتخطب غصب عنها وقعدنا معاها طب يمين شمال مفيش حل خالص وهي مش موافقه ولا أنا موافق وقعدنا معاها يا ماما وحش مينفعش ليها وكلام بالهادي تقولها لا انتي في دماغك حد عايز حل يا جماعه

Marshmallow_28253 🇪🇬 · Accepted Answer

بوص اعتقد تكلم حد قريب من مامتك كبير يتكلم معاها يعني خالك مثلاً أو خالتك ولازم تقنعم الاول بوجهة نظركم في العريس دا وليه رافضينه ولو مانفعش اعتقد تدخل باباكم

Avocado_33223 🇪🇬 · Answer

بص هي ممكن اختك تعمل اللي مامتها عايزاه وفنفس الوقت دي حياتها هيي ومش حياة مامتهاا فهي تتخطب عادي وتطول ففترة الخطوبة وبعدين تقول لخطيبها ان هي م عايزاه و تعتذرله او لو هي م جريئة تحاول تعمل مشاكل فالعلاقه لحد ماتنهيهاا دي او تتقبل الامر الواقع وتتعايش معاه بس منصحش بالخيار التالت واتمنى اكون فيدك

Popcorn_38003 🇪🇬 · Answer

لا عمامي فيه مشاكل وحتي جدتي ام امي موافقه وخلاني مسافرين بره مصر

Sugar_49831 🇪🇬 · Answer

غلط غلط جداا 
مع احترامى لرأى حضرتك 
بس ايه ذنب الشاب سواءا فى المصاريف اللى هيدفعها فى الفترة دى او فى وقته او لا قدر الله مشاعره لو حبها 
انها تعمل كدة مش حل ابداا 
تبقى بتظلمه وتظلم نفسها

Marshmallow_28253 🇪🇬 · Answer

أعتقد الموضوع يتقوف كده علي اختك وإنها براحه كده تقول للعريس دا إنها مش عايزه الخطوبه دي وإن والدتها جابراها ومعتقدش إن في راجل يقبل علي نفسه حد من عايزوه ومهما والدتك إتعصبت أو إضيقت إستحملوا

Sugar_49831 🇪🇬 · Answer

شوف اقعد مع اختك وخليها تصلى استخاارة مرة واتنين وصلى انت كمااان ليها 
وشوف الوضع ايه 
لو ليهم نصيب فى بعض ربنا قادر يزرع القبول فى قلبها ولو مفيش ربنا هيحلها من عنده 
واقعد مع مامتك وفهمها سبب رفضكم وان اختك مش مرتاحه 
وحااولوا تماطلوا معاهم على قد ما تقدروا ممكن يطفش لو زهق

Sugar_49831 🇪🇬 · Answer

وممكن انت تكلمه من سكات كدة وتفهمه ان اختك صلت استخارة ومش مرتاحه لو شايف انه عاقل وهيتفهم 
وقوله انه يجيب الرفض من عنده هو وخلاص من غير ما مامتك تعرف 
بس خلى اسلوبك كويس متحسسوش ان هو فى مشكلة خلى كلامك كله عبارة عن ان اختك استخارت ومش مرتاحة 
وبالله عليك اوعى تاخدوا اى خطوة جد غير لو اختك راضية عشان متبهدلوش الاتنين

Coffee_40196 🇪🇬 · Answer

اختك ليها الحق تقول (لأ) وتدافع عن رأيها في اختيار شريك حياتها المناسب بكل الطرق الممكنة لو منفعش باللين والاقناع يبقى بالشدة.
خليها تعترض وتصر على رأيها وترفض تقابله ولو لزم الأمر تسيب البيت وتروح تعد عند خالتها مثلا يومين. وخليكي جنبها وادعميها