اختي بتكلم حد بس منكراه ووالدي ميعرفش!

Question

عرفت ان اختي بتكلم واحد بقالها فتره والواحد ده جه اتقدم لأختي من فتره برضوا ووالدي موافقش عشان هي لسا ف الدراسه وقالو بعد الدراسه ابقي تعالي اتقدم المهم اختي قايله انها مش بتكلمه ولا تعرفه اصلا المهم انا عرفت انها بتكلمه من قبل ما يتقدم وبعد ما اتقدم ولحد الان وللعلم ان والدي لو عرف الكلام ده هيبهدلها اعمل اي

Sugar_47773 🇪🇬 · Accepted Answer

بص انت صاحب اختك ومتخوفهاش منك ابداا وخليك حنين معاها وصارحها باللى عرفته اهم حاجه بالراحة وكلمها وكلمه وخليه يتقدم تانى وتحااول على قد ما تقدر تقنع والدك حتى لو لسة 3 سنين مش مشكلة هيبقى بينهم حاجه رسمية وفهمها ان كدة حرام حتى لو هيتقدم وان فيه ضوابط حتى للخطوبة 
يبقى انت هتصاحبها وتطمنها وبعدين تكلمها وتقنعه يتقدم وبعدين تقنع والدك 
وخليك سند ليها واحميها خليك اول واحد تفكر تروحله لو تعبت

Apple_41649 🇪🇬 · Answer

صاحبها وقرب منه ومتخوفهاش خليها تقولك كل حاجه بالحب مش بالخوف واقعد مع اللي بتكلمه وشوف دماغه وشخصيته

Sugar_46960 🇪🇬 · Answer

متعمليش حاجه ادام هو جد وعاوز يتجوز وجه البيت من بابه يبقي خلاص حولي تسعديها وتقنعي ولدك ومتقوليش حاجه وربنا يكرمها بيه لو شخص كويس وابن حلال وخلي بالك من اختك

Orange_43723 🇪🇬 · Answer

اعمل اي يعني

Cherry_42699 🇪🇬 · Answer

حاول تقنع باباك يوافق خصوصا لو قدامها سنة مثلا فالدراسة او حاجة، طالما الحلال متاح وموجود بلاش احنا نوقفه بنفسنا

Orange_43723 🇪🇬 · Answer

قدامها ٣ سنين لسا

Cherry_42699 🇪🇬 · Answer

بص هو ٣ سنين كتير سيكا بس بردو على الاقل يكون في حاجة رسمية مش شرط يتجوزوا دلوقتي حالا، ممكن خطوبة بحيث مايكونوش بيعملوا حاجة حرام وفي نفس الوقت يرضوا والدك

Sugar_47773 🇪🇬 · Answer

انا رايى انه لازم يصارحها ويفهمها لان دى كدة علاقة محرمة مينفعش

Sugar_47773 🇪🇬 · Answer

وبلاش تقول لوالدك خالص غير لو مقدراش تتصرف وتكون متاكد ان والدك هيعرف يتصرف ويحتويها 
وربنا يهديها ويباركلكم فى بعض اللهم آمين 🤲🏻

Strawberry_47691 🇮🇹 · Answer

كلميها من جهة الحرام و الحلال و الجنه و النار و انكم كدا كدا هتتجوزو بس هتصبرو شويه ف ليه تفقدي ثقة اهلك و تكلميه و ليه تاخدي ذنب و تكلميه و انتي عارفه أنه حرام و انك مش هتستحملي جزء من ثانيه من العذاب علي ذنب و أن انتم لو نصيب بعض استحاله تبقو لغيركم

Coffee_33188 🇪🇬 · Answer

بص ي اخوياا اتفاهم مع اختك وعرفها ان العلاقة دي حرام وتحافظ ع مشاعرها احسن ليها…لأن نهايتها كسر القلب والتفس ..بس طالما الشاب شاريها وجه اتقدم .. انا شايف تقنع والدك وتلح عليه بقي بس اتكلم كلام حلو عن الولد يعني اتكلم بعقلانية واقنع والدك بالخطوبة عادي ..ع الأقل تبقي العلاقة بما يُرضي الله

Peanut_31159 🇪🇬 · Answer

قولها كلام حلو واههتم بيها البنت لما مبتلاقيش دا ف البيت بدور عليه برا وصاحبها ومتخوفهاش منك وكلمها براحه واحده واحده وربنا يصلح الحال واحده واحده وبراحه مره واتنين وعشره متزهقش

Pineapple_33562 🇪🇬 · Answer

اقنع باباك لأن هما كده عايزين حاجة حلال والموضوع جد مش بيلعبوا يعني فحقها تتجوز الي هي بتحبه
اتكلم مع باباك واقنعه انهم يقروا فاتحة حتي عالاقل طالما مفيش اي سبب تاني للرفض

Pineapple_33562 🇪🇬 · Answer

واجلوا الخطوبة بعد الدراسة

Orange_43723 🇪🇬 · Answer

بابا فاهم دا كلو وانا فاهم دا كلو بس هي لسا فالدراسه دا هي لسا ف ١ ثانوي يعني قدامها ٣ سنين وتدخل كليه كمان يعني لسا بدري اوي وبابا موافق بس علشان متتشغل بحاجه غير الدراسه ف قال بعد الدراسه

Pineapple_33562 🇪🇬 · Answer

اه لأ كده لسه صغيرة اوي فعلا بس مش عشان فكرة الدراسة وبس هي عشان بدري اوي علي انها تعرف تختار وتقرر قرار صح في حاجة زي كده
خلاص يبقي مفيش قدامك غير انك تتكلم معاها بالراحة بقي وتقنعها