بقالي فترة لا بأس بها غايبة عن البرنامج، حابة أشارك شوية حاجات حصلت، عارفين أنا بَجِد صعوبة شديدة في التعامل، خصوصًا لو الدنيا رمتك فجأة في حياة جديدة زي الجامعة مثلا أو جواز أو أيًا يكن، بجد التعامل مع أشخاص عن قرب مش سهل أبدًا أبدًا، تخيل حد انت شايفه ف كل أحواله والعكس رفيق وشريك لكل لحظاتك، الصعوبة بقا يا عزيزي في الاختلاف! احنا مختلفين، اسباب زعلك تختلف عن اسباب زعلي ويمكن موقف تافهة بالنسبالك يأثر فيا جدًا والعكس، وهنا أنا بشوف بجد معنى مختلف ازاي تتعود تغير نظرتك للأمور وتتعلم تحترم مشاعر غيرك، ازاي تعرف تتجاوز عن حاجات عشان العلاقة تكمل، ازاي تقدر تتنازل عن زعلك عشان زعل غيرك، يمكن الفترة اللي فاتت كانت كلها تقويم للنفس عشان ابقا انسانة سوية صالحة للتعامل بدون ضرر ولا ضرار والموضوع بجد مش سهل خالص، ف حابة ألقي الضوء تاني احنا مختلفين يجماعة ولازم نتعلم بجد نتنازل عشان نكمل مع الناس اللي بنحبهم، لازم تأدب نفسك وتقوم صفات فيك عشان تعرف تتعامل كويس، لازم تراعي اوي نظراتك وكلماتك ومواقفك مع الغير، محدش حمل انه يكون سبب ف جرح حد، خليكو دايما أخف، وحاولوا دايما تسيبوا أثر لطيف🤍

2

2