خايفة من الخطوبة والجواز من غير ما أعرف الشخص

Question

السلام عليكم ورحمه الله وبركاته 
انا ضد فكرة الاختلاط او اننا نكلم شباب وكده ودلوقتي انا فى فترة انى اتخطب وكده وكذا حد اتقدم وانا خايفه مش عارفه المفروض اختار ازاى اخاف ميكونش هين لين عليا وعلى قلبى وصعب تعرف حد منغير اما تكلمه ومعظم جوازات الصالونات بتبوظ ونهايتها بتبقى طلاق بسبب انها بتقول ده طلع كذا وكذا وانا مكنتش شايفه كده ف ففترى الخطوبه ف مبقتش عارفه اعمل اي

Coffee_27700 🇪🇬 · Accepted Answer

هيبقى فيه مقابلات سواء في البيت أو برة البيت ومعاكي حد من أهلك من خلال المقابلات دي اعرفي شخصيته واتكلموا

Pineapple_25718 🇪🇬 · Answer

الصلونات احسن لانها بتبقي تدبير ربنا 
وفتره الخطوبه لو سنه ونص ف اعتقادي انها فتره كويس تتعرفوا ع بعض فيها

Strawberry_30231 🇪🇬 · Answer

مهو ده بردو صعب تعرف فيه لأنى هيبقى محدد وفترة الخطوبه مش حابه تبقى طويله عشان ميبقاش فيه اى خلل ف ضوابط الخطوبه ، انا حتى مبقتش اعرف اتعامل ف حياتى اليوميه لو اتضطريت اتعامل مع ولد ف السكشن او اى مكان عام يعنى ف المشكله بالنسبالى اكبر من الخطوبه شويه

Strawberry_30231 🇪🇬 · Answer

اكيد عندك حق بس انا مكنتش حابه فترة الخطوبه متبقاش طويله عشان ميبقاش فيه اى خلل ف الضوابط

Coffee_30225 🇾🇪 · Answer

انا بتفهمك كويس جدا و واضح من كلامك إنك شخص محترم بيحب يحافظ على نفسه و بنفس الوقت عاوز يتجوز و يبني بيت صح مش التقليدي الي غالبا قائم على شكليات و بيفشل في ٩٠℅ من الحالات انصحك تتبعين خطوات تكوين العلاقه الصحيحة و اختيار الشريك المناسب من كتاب "عقدك النفسية سجنك الأبدي" للدكتور يوسف الحسني

Pineapple_25718 🇪🇬 · Answer

ايوه بالظبط ولا طويله ولا قصيره

Strawberry_30231 🇪🇬 · Answer

طيب الحمدلله انى اخيرا حد فهمنى بلص شكرا جدا هقرأ الكتاب 🤍