احنا قربيين من بعض اوي بس بعاد اوي فاهمني احنا عشنا اجواء مع بعض بس مش مع بعض واخد بالك .. احنا شوفنا نفس الاماكن فنفس الوقت بس مكنتش شايفين بعض عامة احنا كنا حاسبين بنفس الصقعة و نفس الحر بس مكنتش حاسيين ببعض انت فاهمني بجد ولا ايه دنيتك احنا عارفين نفس الاشخاص و بنقابلهم و بنشوفهم و بنشوف ضحكتهم بس مش بنشوف بعض و ولا بنشوف ضحكتنا بس عارف كان في لحظات بتجمعنا بس مكناش بنتكلم كانت فيه مطره احنا بنشوفها فنفس ذات المكان بس كل واحد في مكانه بعيد بس قريب انت عارف مكاني كويس جدا و انا عارفه مكانك كويس اوي بس احنا الاثنين منعرفش بعض بس عارفين بعض .. انت فاهم حاجه بجد هتقولي لا !! بس انا هقولك لا برضو عشان انا مش عارفه ليه انا و انت عشنا مع بعض و اتربينا فنفس المكان منذ الطفولة و حاليا كبرت و بتشتغل و انا لسه هكمل تعليمي و الله اعلم مين فينا هيمشي الاول و يشق طريقه بس يا ترا يا هل ترا هل هتفضل فاكر نفس المكان بعد ما اتجوز الله اعلم هي مين ولا هتفضل فاكر نفس اللحظات بس عايزه اسالك سؤال مهم اوي انت هتفتكرني ؟؟ اهه اكيد مش هتفتكرني عشان انت كنت مراهق كبير و انا كنت طفله بس انا فكراك اوي اوي و فكره كل لحظه انا شوفتك فيها ما هو بالعقل كده انا فتحت عنيا لقيتك موجود انما انت اكيد مش هتفتكرني عشان انا ظهرا فجأة و كنت منغير تدابير و كمان منغير ما تعرف شكرا. 🤝

2

4