إحساسي يطلع صح ديما.. دي حاجة مرعبة

Chilli_33643 🇪🇬

منذ 5 ساعات

شعور متعب

إن احساسك يطلع صح ديما دي حاجه مرعبة مثلا لو حسيت أن في خطر فعلا بيكون في خطر معرفش حد هيفهم دا ولا لاء بس الموضوع مش مريح انك تحس بالحاجه واحساسك يكون ديما صح دي حاجه بترعبني بكتب الكلام ده وانا اصلا حاسس اني في حاجه مستنياني هتحصل حاجه اكبر مني مش عارف اي هي بس عندي احساس مش مريحني مع هدوء الليل ولسعت شتا كده غريبة

عندي حاسة سادسة بتكلمني.. حد عنده تفسير؟

بتمشوا ورا إحساسكوا و بيطلع صح كام مره ؟؟ أنا عندي بحسه مش مجرد إحساس بحس كأنه رساله بتجيلي فجأه و كأن حد بيكلمني بيها لدرجة بعرف حاجات بدون أي تفاصيل ليها و لا أعرف عنها أي حاجه و بكتشفها زي إني كنت شغال مع إبن عمتي في محل بتاعه و مش مره مرتين و أوقات مختلفه و بيبقي شخصيات بالنسباله ثقه جدا و اكتشف إنهم بيسرقوا و بعرف أوصل للحاجه اللي بيخبوها بمجرد افكار دماغي و مره اكتشف حد نصاب قبل ما ينصب علي ابن خالتي في فلوس و ابن خالتي قالي ده صاحبي مستحيل هيعمل كدا .. المفروض كان هيجيبله إيفون من بره و الولا فعلا بعد فتره اخد الفلوس و مرجعهاش و غير وفاة أبويا قبل وفاته بأسبوع و انا ببكى عليه بالرغم إن أبويا سليم مفهوش أي مرض تعب بس قبل وفاته بيومين .... حد عنده تفسير 🙂 ...عرض المزيد

2 الدعم

4 نصيحة

مش واثقة في نفسي ولا في البشر وخايفة من الأذية

مكانش نفسي آجي هنا تاني، بس مش لاقية أماكن تانية، في عز انبساطي بحاجز يمكن كسرت جزء منه النهارده، على قد ما أنا تايهة جدًا، مش واثقة في الحاضر وخايفة من المستقبل، وده مرضي مش طبيعي. معنديش ثقة في البشر، مش قاد،ة أدي لحد الثقة بسهولة، بيصعب عليا ناس بحبها وبحترمها حاسين من ناحيتي بعدم ثقة، الموضوع مش بس أزمة بالنسبة لهم، لا هو أزمة بالنسبة لي أنا كمان، وفعلًا خايفة من كل البشر، متوقعة الأذية من أي حد مهما كان (مهما كان حرفيًا). مش شايفة نفسي كويسة في أي حاجه، رغم إن إلي حواليا بيقولوا عكس كده، وبستغرب حقيقي، مش شايفة نفسي حد كويس في العموم. طول الوقت بدور على الاهتمام والحب المبالغ فيه، إلي لو اتسحب مني هضيع ومش هقدر، بخاف أفقد الناس إلي بتحسسني بمشاعر كويسة، إني أستحق، إني أقدر، إني حد كويس بأي شكل. بخاف وخلاص، حقيقي بخاف وبس، والكلام ده قليل جدًا على إلي بحس بيه كل يوم وكل دقيقة حتى في أسعد لحظاتي. وبمناسبة موضوع الثقة، فأنا حتى مش بثق في نفسي. ...عرض المزيد

0 الدعم

13 نصيحة

أنا ٣٠ سنه و حاسس إني تايه ومحدش فاهم ده

انا ٣٠ سنه بس حاسس دايما اني تايه مش عارف اعمل ايه ولا ابدأ منين ولما ابدأ مش عارف اكمل كده صح ولا مكملش و ادور من تاني و دايما حاسس ب وحده او ان محدش فاهمني و في الفتره الاخيره دي بميل دايما اني ابقي لوحدي لاكبر وقت بدون تواصل مع حد مع اني شخص محبوب اجتماعيا . اول مره افضفض شويه ب جزء صغير من اللي فيا . ...عرض المزيد

1 الدعم

3 نصيحة