عايزه احكيلكم حاجه حصلتيلي انا السنه دي في الجامعه بتاعتي الترم الاول في 4 مواد حليت فيهم وحش منهم مادتين مكتبتش فيهم اي حاجه لان حرفيا الامتحان كان صعب جدا جدا (ملاحظه لو شلت اكتر من مادتين هعيد السنه) المهم النتيجه بتاعت الكليات كلها الترم الاول نزلت حتى الفرق نزلت إلا فرقتي وطبعا دي حاجه كانت مضيقاني اوي خصوصا اني عايزه اطمن وفعلا دخلت امتحنت الترم التاني وكانت لسه مطلعتش في وقت امتحانات الترم التاني اخويا اتعرف على حد عشان كان في شغل بنهم والحد ده رتبه كبيره تبع الجامعه بتاعتي فلما اخويا قاله اختي بتمتحن دلوقتي عندكم قاله اديني اسمها ورقم جلوسها واشوف الدنيا معاها لو اقدر اساعدها النتيجه بتعتي طلعت النهارده وشلت مادتين بس نجحت وقال لاخويا نتيجه الترم الاول لو كانت طلعت كانت اختك هتسقط هما عادو تصحيح الورق والحمد لله قدرو يلاقو ليا درجات تعديني من مادتين من الاربعه عشان انجح بمادتين اللي عايزه اقوله اني عيط كتير من احساسي ان كل ده حصل عشاني النتيجه اتأخرت وطلعت لكل الناس إلا احنا معقول كل ده حصل عشاني في نفس الوقت قبلها بيوم كنت بفكر وزعلانه شويه ان بقالي كتير بدعي ربنا انه يرزقني الزوج الصالح وكل اللي بيتقدم مش مناسب وحسيت اني زعلت وقلبي وجعني لاني نفسي في الاستقرار واني زهقت من الانتظار ومع اني كلي ثقه في ربنا ان ده هيجي بس تعبت بعد اللي حصلي من النتيجه حسيت ان ربنا سمعني ووصلي رساله ان النتيجه متأخرتش إلا عشان انا بدبرلك الخير والنجاح زواجك كمان متأخر عشان ربنا بيدبرلك الخير اللي يفرح قلبك ويعوضك عايزه اقول اننا بنتعب من الانتظار وان قلبنا ممكن يوجعنا مش عشان مش راضيين ولا معترضين لا ابدا كل حاجه بتحصل في احسن وقت هيعوضنا ويفرحنا في الوقت المناسب كل حاجه في حكمة منها واخيرا الحمد لله حتى يبلغ الحمد منتهاه ❤

3

9