بحس مقفول م الدنيه ومش عاوز اطلع م الاوضه

Question

احساس انك مقفول م الدنيه و إلي فيها إلي بيجيلك فجأه ده وانك عاوز متطلعش م اوضتك بدأ يجيلي كتير الفتره دي ومش لاقيلو حل وبحس اني فاشل انا ف 3 ثانوي اصلا فجأه كدا بحس اني مش هعرف اجيب درجه مثلا او كدا و ان واقع ف المنهج وكدا و الحاله دي بتخليني اقعد ايام مش بذاكر ف اعمل ايه ف الموضوع ده؟؟؟؟؟

Cherry_35286 🇪🇬 · Answer

لازم تطلع نفسك من الحالة دى لانك هتتعب بجد و مش هتجيب مجموع بعد كدة حاول تعمل حاجة بتحبها تخرج أو تقرأ أو تعمل حاجة تكافئ نفسك بيها و لازم ترفه عن نفسك و يبقى ليك ساعة فى اليوم تهتم فيها بنفسك يعنى شكلك بقى تتفسح تتفرج على مسلسل بتحبه تقعد مع ناس بتحبها و يارب ميبقوش صحابك فى نفس السنة لأن أغلب الصحاب معادنهم بتظهر فى تالتة ثانوى و مهما كانوا كويسين بيقولوا كلام بيأثر على عقلك اللاواعى و بيخليك

Cherry_35286 🇪🇬 · Answer

و الكلام ده بيخليك تكتئب أو همتك تقل و حاول لما تبقى متضايق تذاكر حاجة حتى لو قليلة و فكر نفسك أنه قليل دائم خير من كثير منقطع و حاول متضغطش على نفسك لما تبقى كويس لان هو ده اللي بيجيب الحالة دى و لما تحس انك مقفول قوم اعمل مشروب بتحبه أو أكلة بتحبها و امسك الكتاب ١٠ دقائق بس وانت بتاكل هتلاقى نفسك اندمجت و بدأت تذاكر و ربنا يوفقك و يعملك اللى فيه الخير و يوصلك ل حلمك و حاول تخرج من الحالة دى