بخاف قبل ما اقرب من اى شخص واحبه، بعمل حساب للحظة التعلّق المرضى احساس غريب اوى ان يكون فيه حياتك حد مالى كل يومك واسبوعك وشهرك!! ده غير الذكريات اللى مستحيل تتنسى من الذاكرة يعنى اية تنام تصحى فيوم تلاقى الشخص ده مش موجود فى وقتٍ ما فحياتك… لأى سبب هل إنت متخيل حجم الألم والحزن اللى هتعيش فيه لفترة مش قليلة بسبب "التعلّق" بسمع قصص بالصدفة إن فيه ناس حياتها وقفت عند سن معين عند لحظة معينة عند فراق معين حياتها وقفت بجد! كإنهم مش موجودين بس مضطرين يكونوا موجودين لكن هما مش عارفين انهم مش موجودين لسه مش مستوعبين الصدمة مش مستوعبين إن الحياة لازم تاخد مننا زى مابتدينا مش مستوعبين كمية الذكريات المرعبة اللى اتبخّرت فى الهوا مش مستوعبين كم الطاقة والحُب اللى تم استهلاكها لشخص مبقاش موجود مش مستوعبين حجم الألم اللى هما فيه، دايمًا حاسين ان فيه حاجة ناقصاهم فيه حاجة اختفت من الوجود فيه حاجة كان لازم تكون موجودة بس مبقتش فيه مشاركة كانت لازم تحصل بس… محصلتش تفتكروا التفريط فى الحُب يستاهل اننا ندفع ضريبته بالشكل الفج دة 🤔 ولا هى دى الحياة، يوم ليك وأيام عليك ….

لو دايما نظرتك للحياه بالشكل ده يبقى عمرك ما هيكون حد قريب منك ويكون بجد ليك ذكريات حلوه معاه لان اصلا كل حاجه ف الدنيا دي بتنتهي وليها تاريخ صلاحيه اي حاجه ف لو هنفكر كده عمرنا ما هنقرب من حد وهنكون لوحدنا واحنا مش مخلوقين عشان نكون لوحدنا ده حتى ف الجنه آدم كان حاسس بالوحده ف ربنا خلقله حواء عشان تأنسو فما بالك وانت ف الدنيا

مش قادرة أتأقلم بعد ما حد غالي اختفى من حياتي

Q: عيد من غير أهم شخص في حياتي... إزاي؟

مؤمنه دايما انه ربنا ليه حكمه في كل حاجه و راضيه بقضاؤه بس في أوقات بتفلت مننا و ننهار غصب عننا. زي دلوقتي بكره عيد و كل سنه وانتم طيبين بس كل تفكيري في حاجة واحده انه ازاي عيد من غير اهم شخص في حياتي ؟ في كل لحظه بفتكر وفي كل مكان ذكرى مختلفه الشخص دا كان هو عيدي اساساً نصحى بدري و نتخانق عشان صلاة العيد و بعدها نرجع ناكل و نجهز اللبس و كل عيديه كبيره حد ياخدها نقسمها سوا ، ذكريات كتيره مش هتتكرر تاني وهتفضل موجوده على طول بيننا بس الفرق انه كل في حد في مكان مختلف . مكنتش متخيله انه ممكن تيجي لحظه زي دي بس ربنا قادر على كل حاجه

Q: الوحدة بعد الفراق.. هل ينفع نرجع تاني ولا خلاص؟

شعور الوحدة اللي بيكون بعد ماتطلع من علاقة دا بيكون اصعب واغرب شعور انت بتبقى مش عارف هو ينفع نرجع تاني ؟ ولا خلاص خلصت حكايتنا ولا انت كنت بتحب الشعور مش بتحب الشخص اصلا! والاصعب والاوجع ف الموضوع هو طريقة الفركشة وازاي حصلت وتلاقي وش تاني خالص من الكان مفروض يبقى شريكة حياتك ويحسسك انك ولا كنت تسوى شبن عنده عمتا انا كنت لازم افكر مليون مرة قبل مادخل ف العلاقة بشكل رسمي لكن طيبتي وغبائي هما اللي منعوني الواحد من كتر ماهو فاضي بقى غريب

Strawberry_22117 🇪🇬's post

Strawberry_22117 🇪🇬

1 day ago

Feeling Drained

احساس لما حد غالي يموت و تبقا بتعافر علشان تتأقلم انه خلاص مش هيكون فحياتك . بتتمني لو لمره واحده بس تكلمه و تشوفه .. اسفه لو حسستكم بمشاعر وحشه او فكرتكم بحد. بس عموما دا شعوري ناحيه حد كان فحياتي بس الاصعب انه عايش و خلاص انتهت كل حاجه وانا المش بتعافي ولا بنسي . انا العملت فنفسي كدا انا ظلمت نفسي و جيت عليها محدش يستحق كدا ادعولي ربنا يعوضني و يهديني و يصبرني

You can’t see any advice on this post because the publisher chose to receive advice privately. If you’d like to share your advice, simply type it in the box below.

It’s better in the app

Download Toheal on your phone for faster experience.