خارج من البيت وانا كنت قبلها بكام ساعه شارى كوتشى فحطيته جمب الكوتشي القديم ومحطتش الكوتشى القديم مع الكوتشيات القديمه فالمهم وانا خارج من البيت لمحت الكوتشيين جمب بعض الجديد والقديم ولوهله تخيلت ان ليا اخ وان دا كوتشيه معرفش بس حسيت بشبه ابتسامه كده لانى متعود بيبقا موجود علارض كوتشيا جزمة والدتى الشبشب الجلد بتاع والدى واللى غالبا عند كل ابهات المصريين ف احنا تلاته فى البيت بس ففكرة ان يبقا فى حد رابع ونس ليا كانت فكره لطيفه معرفش الموقف يبان سخيف او درامى بس سيناريو الاخ الخيالى اللى تخيلته لجزء من الثانيه ده بسطنى مكنتش متخيل ان الواحد بيحتاج ونس لما يكبر خصوصا ان ديما بكابر وبقول ان حياتى كده احسن بس بينى وبين نفسي اكتشفت ان بتمنى من كل قلبي يكون ليا ونس وسند فحياتى كنت فاكر ان الامنيه دى انتهت مع طفولتى بس الظاهر لسه موجوده 🤍لكن الحمد لله على كل حال 🤍 مفيش هدف من الموقف دا وغالبا ضيعت وقتك لو قريته بس لو قريت وانتا او انتى عندكم اخ او اخت احمدو ربنا على ده شعور الزحمه والونس دا شعور جميل بخطفو فلحظات التجمعات العائليه قبل مرجع لبيتى الهادى تانى

12

7