بحس إني over qualified وعايزة ألاقي ناس شبهي

Question

حد هنا بيحس أنه over qualified بالنسبه لسنه وعقله والناس اللي حواليه ... يعني أنا بالنسبه لسني بقعد فوسط ناس اكبر مني بخمس وعشر سنين وبحس  اني انضج اعقل وبفكر احسن منهم وبعرف اتصرف فالموقف احسن منهم بكتير كمان المشكله اني بنت وعشان الاقي صحاب شبهي أو الاقي ال partner بتاعي كل ما افكر بقيت ابعد اسهل ومش مديه فرصه لحد يقرب مني أو حد يصاحبني لمجرد اني زهقت من فكره اني بحس بالهبل لما بقعد مع أي حد ده مخوفني اوي اني اعرف ناس مؤخرا لمجرد اني بقيت عارفه أن ال intentions بتاعتنا اكيد هتبقى مختلفه ومبقتش عارفه اتعامل مع الناس ازاي

Watermelon_81045 🇩🇿 · Accepted Answer

هاد الفئة موجودة بكل العالم فقط في الدول المتقدمة يعاملون بطريقة خاصة للاستفادة من هاد الموهبة ان صح التعبير ونحن دول العالم الثالث تهمش وكل شخص منهم يختار طريق يكمل بيها حياته شخصيا كنت متفوقة جدا واجد كل ما حولي مستوى ناقص حتى مستوى تفكير الناس من حولي كنت اقرا كتب اعلى من مستوى طفلة صغيرة ولكن كنت ابدو غريبة للناس الحمد لله نجحت في حياتي ولكن غيرت بعض من شخصيتي واصبحت اجتماعية واندمجت في المجتم

Mushroom_71160 🇪🇬 · Answer

في الغالب بيكون غرور وبيطلع الشخص دا نرجسي بس

Mango_75327 🇪🇬 · Answer

ساعات بحس بكده بس بخاف يكون غرور ، و بفكر نفسي ان اللي زياده عندي برده في ناس زيي و فسني و عندهم اكتر مني و العكس

Pineapple_58356 🇪🇬 · Answer

حتى لو الناس هي اللي بتقوله كده وهو بقى مكنش حاسس بده ومكنش عارفه فكان بيدخل نفسه مع علاقات بيدي فيها بس واصلا هو people pleaser؟👀

Pineapple_58356 🇪🇬 · Answer

خوفت كتير شوفت نفسي اسوء شخص روحت لثيرابيست واتكلمت معاها وعرفت أنه مطلعش غرور أو بالنسبه ليا على الاقل لاني عشت عمري كله بشحت حب واهتمام وشايفه اني مستاهلش الحب فبالتالي عمري ما حبيت نفسي ولا فضلت نفسي اذا كان اهلي نفسي مفضلونيش على الغريب هفضل أنا نفسي عليا يبقى اكيد انا مستاهلش الحب.
فعشت عمري كله احب الناس وادي اكتر من المفروض لحد ما الاقي أن محدش بيديني ده لانه غير منطقي طبعا والدوامه تبدا

Avocado_80965 🇪🇬 · Answer

دا طبيعى كلنا مختلفين مش شبه بعض وإن شاء الله ربنا يرزقك بزوج صالح مناسب لطبيعة شخصيتك متفكريش بالموضوع وحاولى تذكى شخصيتك بمهارات للتربية وبناء بيت صالح على ما يجى الوقت المناسب للزواج

Mushroom_71160 🇪🇬 · Answer

حتى لو كل دا اه

Avocado_81794 🇪🇬 · Answer

أنا بصراحة ده احساسي وكمان عملت اكتر من اختبار لقيت سن تفكيري ٤٠ ل٤٥ سنه وانا عندي ١٦ سنه وبصراحه مش فاهم الموضوع ده ليه وهل حلو ولا وحش وبصراحه حاجه مضيقاني شويه مع صحابي لدرخة اني معنديش غير صاحب واحد ومش بكلمه كتير

Kiwi_74145 🇪🇬 · Answer

التعليق اللي فوق اي كلام بيتعامل مع النرجسية كانها لبانة بجنيه .. كلما ارتفع الانسان كلما بدى اصغر لمن هم بالاسفل

انا مصدق شعورك و رؤيتك لنفسك .. لانه اغلب الناس للاسف في الحياة سطحية بل ان عمقهم سطحي كمان

ده غير اننا بنعيش عصر انحطاط على جميع المستويات ماعرفش هل له مثيل من قبل ولا لا

في ناس كتير زيك في الحياة موجودين  .. بس هم قلة  بالنسبة للاغلبية

Kiwi_74145 🇪🇬 · Answer

نصيحتي ليكي: اوعي تتوقفي عن تطوير وعيك او تغيري من طبعك عشان تتأقلمي مع الناس مهما ده كان موحش .. في النهاية كل ما بتقل الحاجات الحقيقية اللي بنقولها او بنعملها كل ما انتي بتبقي مش حقيقية

حياة لايحاول فيها الانسان جاهدا ان يكون شيء اكبر من نفسه حياة تعيسة مهما ظهر عكس ذلك

Banana_80146 🇪🇬 · Answer

مقصدش اكون قليل الذوق أو اكون يضايقك بكلامي بس مش معنى اني اذكى واحد ف محيطي يبقا أنا ذكي فعلا بالعكس انت اذكي عشان الي حوليك قاعدين ف نعيم الجاهل .. و مش من الذكاء خالص أن اتعمل مع نفس أقل ذكاء مني  بذكائي انا ..ف مثل مصري بيقول خد كل واحد ع قد عقله و مثل تاني لو اتنقشت مع واحد غبي بعد ٥ دقائق الناس مش هتبقى عارفه مين فيكم الغبي .. المفروض بذكائي انا اتكيف بالمحيط و ارتقي بنفسي بذكائي

Pineapple_58356 🇪🇬 · Answer

معنديش اي مشكله مع كلامك وفعلا ده الطبيعي والمنطقي بس أنا بتكلم بالعلاقات المقربه يعني كلام حضرتك ينطبق اكتر على علاقات الزماله الشغل والتعاملات الخارجيه اللي مش دائمه اللي بنمشي بيها حياتنا وهكذا بس أنا بتكلم عن العلاقات الدائمه مستحيل تقدر دايما تشرح لأقرب الناس ليك مثلا مفهوم الامان النفسي وهو يعتقد أن مادام ينام في بيتا مغلق فهو في امان... فكيف يجد الإنسان نفسه؟

Pineapple_58356 🇪🇬 · Answer

فعلا احنا عايشين فعصر انحطاط وده بيخليك تشك فنفسك ممكن تكون انت بتحسبها جنه ونار عقل ومنطق مش مشاعر سطحيه وشهوانيه وغيرك بيتكلم عن اد ايه الحياه مره واحده ولازم نعيشها بالطول والعرض ومنحسبهاش

Banana_80146 🇪🇬 · Answer

حاسس انى مفهمتش ردك .. هرد ع أساس استيعابي .. كان ف حلقة للدحيح بيتكلم ع الموضوع ده مش فاكر اسمه بس هي قديمة شوية.. انا مثلا مضايق من حبيبتي مش هينفع اعتمد ع ذكاءه تفهم ايه الي مضايقنى لوحده .. لازم يكون ف تعبير عن الشعور إلى مريت بيه خلانى زعلت بمعنى اصح التواصل .. اتوصل مع كل واحد بطريقه و بدماغه عشان اوصل المعلومه أو ع الأقل احاول اوصل شعورى للطرف التاني

Banana_80146 🇪🇬 · Answer

حاجة اخيره .. ممكن يكون ربنا انعم عليكي بنعمه الذكاء العاطفي و الحساسية الرقيقة و دى الحاجة إلى بتميزك ف متتوقعيش أن الناس الى ف محيطك هيكون عندهم نفس القدرة ع الاحساس ف حالة دى المفروض تتهونى معاهم و مع نفسك اولا برضه أو تحاولى تخليهم يرتقوا بذكاهم العاطفي عشان تكونوا ع نفس المستوى من التواصل..اتمنى مكونش ضيعتلك وقت ع الفاضى .. ربنا معاكي و يهون عليكي ايامك يارب

Pineapple_58356 🇪🇬 · Answer

شوفت الحلقه دي قبل كده وكلامك حقيقي فعلا والناس مش هتنجم أو هتعرف طباعنا أو اللي مضايقنا من غير كتالوج ولازم نقول ايه اللي بتحبه وايه اللي بنكرهه مش كل الناس هتقدر تحللنا بس انا بس بتكلم فحاله انك اوريدي بتتكلم ومش بتتفهم زي كده لما تقول لباباك انك مخنوق أو متضايق وبقولك ليه انت مش كلت فراخ فعشان كده بقولك ده وفهماك وفاهمه رايك عموما وبتتكلم فايه