بحس محتاجة دعم ذكوري في حياتي ومخاوفي من العلاقات

Question

عندي مشكلة أو مش مشكلة اوي هي حاجة نفسية بحسها اني دايما بحس اني محتاجة masculine support  ف حياتي عامة احس احساس أن ف حد واقف ف ظهري ومعايا ولو غلطت هلاقي سند هتلاقي حد يدعمني ويقويني احس فعلا اني بنوتة مش لازم دائما اتصنع القوة و اني مش بخاف من حاجة واي حاجة عادي مش فارقة معايا بس ف نفس الوقت عندي رهبة كبيرة من العلاقات وبخاف ابقي زي النماذج السيئة الي بشوفها أو الي حواليا احساس غريب حتي مش قادرة اوصفه صح 🙁

Apple_68133 🇪🇬 · Accepted Answer

ده احتياج نفسي طبيعي جدًا،
إنتِ مش بتدوري على “حد يكملك”، إنتِ بتدوري على أمان  على وجود حد تحسي إنك تقدري تكوني ضعيفة قدامه من غير ما يخذلك أو يحكم عليكِ

وعلى فكرة، الخوف من العلاقات مش ضعف،، إنك مش عايزة تكوني في دايرة شبه اللي بتشوفيها حواليكي . وده مش غلط، ده حرص ناتج عن تجربة أو ملاحظة، ومفيهوش أي حاجة تقلل منك

خليكي واعية باحتياجاتك وواقعية في اختياراتك، بس ما تكتميش نفسك ولا تحاولي تهربي منها

Olive_68469 🇪🇬 · Answer

جايز لما أن شاءالله ترتبطي وتحبي حد بس المهم أنه يكون متربي وابن حلال ساعتها أن شاءالله تكونوا سند لبعض عشان الإحساس ده مهم اوي ويارب يبعتلك انسان يستهلك

Kiwi_70219 🇪🇬 · Answer

مش كل الناس اكيد زى بعضها

Cherry_70300 🇪🇬 · Answer

اكيد طبعا

Cherry_70300 🇪🇬 · Answer

اللهم امين

Kiwi_69006 🇪🇬 · Answer

ده احتياج طبيعي جدا 
ادعي ربنا يرزقك الزوج الصالح و هتلاقي كل ده و أجمل كمان 
بس حافظي علي نفسك و اوعي تدخلي في علاقات و اتعشمي في ربنا خير و هو هيجبرك ان شاء الله 🤲❤️

Mango_70322 🇪🇬 · Answer

انا زيك اوي
و نصيحة قبل م تختاري شريك حياتك لو تقدري تروحي ل ثيرابيست ياريت تتعافي من كل ده و اي علاقة مؤذية ف حياتك 
 علشان تقدري تختاري صح لانك متاثره بنماذج سيئه ف انت من جواكي مشوهه ف النقطة دي