الوحده بتوجعني وفرح اخويا مضايقاني اوي 💔

Question

احساس الوحده صعب اوي حرفيا ببص لاخواتي وكل الي حواليا عندهم صحاب كتيررر بيحبوهم وكدا انا يعتبر معنديش واكتر حاجه مضايقاني فرح اخويا قرب وهبقي محرج اوي انو كلو هيجيب صحابو وكدا انا لو بصيت لصحابي هجيب تلاته حرفيا😂💔

Coffee_28254 🇪🇬 · Answer

الاصحاب مش بالعدد ياما ناس عندهم صحاب كتير بس بلا قيمه بلا اهميه اعداد علي الفاضي ممكن يكونوا أصحاب سوء ممكن يكونو مش هيهونوا عليك أو يقفوا معاك وقت محنتك ماتستألش بتلاته لو بجد أنتو  أصحاب بجد التلاته دول ممكن يملوا عليك الدنيا بحبهم

Toast_41592 🇪🇬 · Answer

سيم يخويا والله و معنديش صحاب كتير اني اعزمهم بس صدقني مش بكترهم والله هما التلاته اربعه اللي قلبكم على قلب بعض او ايًا كان عددهم وتكون عارف ان دول اللي هيفرحولك من قلبهم والليلة هتبقى جميله وكله هيتبسط ومبروك لاخوك ياعم وعقبالك❤️

Blueberry_52169 🇪🇬 · Answer

سورى يعني انا عندى صاحبه وحده بس وراضيه والله ومبحسش بالنقص ولا الحرمان

Pineapple_46122 🇪🇬 · Answer

بص موضوع الاصحاب مهم وحلو بس مش اي حد نتصاحب عليه انت لو عندك واحد بس بيحبك بجد وبيخاف عليك ومعاك ف الحلوة والمرة احسن من لمة صحاب كتير كدابة وكلو بيكلم ف ضهر بعض 
هي مش بالصحاب الكتير خالص هي بأهم حاجة أن الي معاك يكون كويس ووفي اهم حاجة تبص ع معدن الشخص وانو يشبهك مش تبص ع الاعداد لأنها معظمها بتكون لمة كدابة ومحدش بيحب الخير لحد والف مبروك لاخوك

Tofu_12758 🇪🇬 · Answer

يمكن قله الصحاب فيها خير ليك خليك دايما راضي بكل شي عشان ربنا يرضيك

Donut_52185 🇪🇬 · Answer

هو عامة الموضوع مش بالعدد المهم انها تكون صداقه حقيقيه 
غير كدا كل واحد بياخد نصيبه يعنى فى ناس رزقها فى صحه ناس صحاب ، رزق ، صحه الخ 
جايز يكون عندك اصدقاء قليلين لكن اكيد عندك حاجات تانيه مش موجوده عند غيرك