Topic: هل جربت شعور الخذلان من صديق عمرك؟

ايوه للأسف من ناس كتير أنا من الناس الي هو لو اتصاحبت عليها هتديك من غير ما تستني مقابل فا علي قد ما الموضوع ده كان كويس اذاني كتر كان عندي شله زمان كنت بحبهم جدا وشايفه انهم عوضي عن كل حاجه وكانو معايا دايما في كل حاجه حرفيا ومواقفنا كتير مع بعض بس كانت جت فترة كورونا وكله كان قاعد في البيت وقتها وانا كان حصلي ظرف خلاني اتشغل عنهم شويه بس هما كانو فاهمين انه غصب عني يعني مأخدتش جمب من غير ما يعرفو مثلا بس فا مع الوقت قربو من بعض اكتر وفجأه لاقتني غريبه ولاقيت في خروجات نزلو فيها معرفش عنها حاجه وصح الشله دي كلها في البدايه أنا الي كنت معرفاهم علي بعض فا احساس وحش انك تعرفهم علي بعض وفي الاخر يسيبوك وتكون انت الغريب بينهم طبعا هما تدريجياً بعدوني عنهم وانا بعدت بعدها كانت واحده منهم اتخانقت معاهم وجت تقربلي تاني وانا للأسف سامحتها وقربتها مني جامد وكانت علطول معايا وفي بيتي وقولت دي خلاص صاحبة عمري الي طلعت بيها بعدها بفتره حصل موقف بان ليا قد اي هي فعلا وحشه كنت بكدب نفسي لحد ما في ناس كتر جت قالتلي هي بتتكلم عنك وحش مصدقتش الا لما سمعت وشوفت بعيني وكانت بتقول انها بتدفعلي مثلا لما نكون في حته مع انه كنا عادي صحاب لنا مره هي مره مكنش بيفرق معايا الكلام ده الي هو احنا اخوات مفيش الكلام ده بينا وطلعتني انها زي بتعطف عليا مثلا واني بغير منها ومواقف كتير بعد ما بعدت عنها ادركت هي قد اي كانت فعلا مش بتحبني وبتحقد عليا مع ان الحاجه الي في ايدي مثلا ممكن يكون معاها احلي منها بس تستكر الي معايا عليا فا فهمت قد اي هي ناقصه فعلا وبس ومن بعدها مش بثق في حد بقا وشايفه ان كله زي بعضه

6

0