بخاف أكون بمشي ورا الشيطان عشان بحب زميلي في الجروب

Question

احنا عاملين جروب في الدرس علشان نبعت الحاجات اللي هنذكرها وكل زمايلي داخلين وانا بصراحه بحب حد من زمايلي ولو هدخل في الجروب هدخل علشان اجيب رقمه بس انا كنت هسجل رقمه بس وكنتش هتكلم بس خليت زميلتي تبعتلي الحاجات المهمه الي بينزلوها خاص علشان مدخلش الجروب بس انا كل شويه بحس اني عايزه ادخل بحجه انه جروب دراسي ولازم ادخل بس انا حاسه اني لو دخلت هعمل كده وانا خايفه اكون بمشي علي خطوات الشيطان 
هل انا كده صح 
وازاي اسيطر علي نظراتي للي بحبه.

Sugar_28822 🇪🇬 · Accepted Answer

بصى يا جميل 
انتى شطوورة وواضح انك عارفه ان اللى بتفكرى فيه غلط ومدخل للشيطان فامسحى اى حاجه ليها علاقة بالجروب دة  او تقدرى تدخلى منها مثلا لينك او دعوة للجروب والمهم صاحبتك تبعته ليكى ولو صاحبتك دى عارفه بمشاعرك. دى وصيهااا انك لو طلبتى منها انك تدخلى فى اى وقت ترفض دة ومتخليكيش تدخلى عشان لو للشيطان غلبك يكون فى حد يرجعك تانى.. هكمل

Tomato_30792 🇪🇬 · Answer

بصي ياست البنات متخشي الجروب احسن ليكي وكل اما تحسي انك عاوز تخشي الجروب صلي ركعتين فكري في بابكي ومامتك هيكون شعورهم عامل ازاي

Orange_27068 🇪🇬 · Answer

انتي صح ما تدخليش وي لو ربنا كرم هيكون في نصيب ليكو مع بعض وي فكري فيها برضو بعد ما هتتكلمو ماذ بعد هتحبو بعض اسبوع شهر شهرين 
برضو هيجي وقت عليكو خلاص كفبا كده مفيش جديد في حياتكو فاهمه قصدي اي

French Fries_32142 🇪🇬 · Answer

انتي صح ومليون صحححححح، قربي من ربنا واعرفي ان العلاقات عليها زنوب كبيرة

Sugar_30596 🇪🇬 · Answer

شكراً علي نصايحكم الجيله كلكم 🤍

Sugar_28822 🇪🇬 · Answer

ولو محدش يعرف فنصيحة اوعى ثم اوعى تعرفى حد 
اول نا تحسى انك عايزة تدخلى او تسمعى عنه استغفرى ربنا على طول وخلى الاستغفار عادة على لسانك هيمنعك تفكرى فى حاجه 
اما نظراااتك فلو الدرس دة فى كذا مجموعة اطلبى من المدرس بتاعك انه ينقلك مجموعة تانية واتعودى تغضى بصرك سواء هو او غيره عشان حرام واكيد انتى عارفه 
مهما كانت مشاعرك قوية وبتخليكى تعملى كدة فقاومى نفسك وادعى ربنا يعينك ويثبت قلبك 🤍

Sugar_28822 🇪🇬 · Answer

واعرفى ان كل ما تصبرى كل ما عوض ربنا ليكى يكون احسن واجمل والله لو ليكى نصيب فيه ربنا هيجيبه لحد عندك بس فى الوقت المناسب بس خلى عندك يقين بالله
ولو فى شر ليكى فيبقى ربنا رحمك بجزاء صبرك دة 
وانتى متعرفيش يمكن يكون نفس وضعك وبيجاهد نفسه 
ادعى ربنا انه يرزقك الزوج الصالح الحنين ومتحدديش شخص لعل ربنا يبعتلك اللى يخطف قلبك فى الحلال يا جميل ويكون ليكى كل حاجه حلوه 
وربنا يجبر خاطرك يااارب ويثبت قلبك

Sugar_28822 🇪🇬 · Answer

اخر حاجه ياريت تسمعى دكتورة هالة سمير فى الموضوع هتغير نظرتك لامور كتير اووى 🤍👌🏻