في موقف حصل معايا ممكن ناس تشوفه تافه بس حاسه اني عايزه احكيه...قبل العيد اللي فات حصلت مشكله عندنا في البيت و اهلي قرروا أن هم مش هينزلوا صلاة العيد و انا زعلت اوي اوي لاني بحب العيد و بحب أجواء الصلاة اوي فا قررت انزل انا لوحدي و نزلت و كنت فعلا زعلانه و حاسه بوحده رهيبه و كنت واقفه ببص على الناس و الأهالي و هم بيعيدوا مع بعض وانا لوحدي سرحت و كنت خلاص هعيط لقيت واحده جت خبطت على كتفي و كانت شايلة بنت ما شاء الله عليها مش ببالغ بس دي اجمل طفلة انا شوفتها في حياتي مامتها قالتلي عماله تلاعبك وانتي مش واخده بالك ضحكت و لاعبتها و لاقيتها بتمد ايديها علشان اشيلها وانا اصلا الاطفال مش بيحبوني خالص و كل ما احب اشيل طفل مبيرضاش المهم شيلتها و فضلت حضناني و كل شويه تبصلي اضحكلها تتكسف و تستخبى في حضني تاني كل شويه كده و فضلت كتير شيلاها و لما مامتها جت تاخدها مرضيتش و واحده كانت معاهم جت تاخدها برضو مرضيتش فا استغربت و قالت هي ماسكه فيها كده ليه مامتها قالت الاطفال بيحبوا الشخص الحنين وهي باين عليها حنينة و بجد روحت اليوم ده وانا مبسوطه اوي اوي و تقريبا كان اجمل عيد بسبب الموقف ده مع اني كنت نازلة مكتئبة

10

6