اتكسفت من موبايلى وعاوز اجيب واحد احدث

Question

سلام عليكم 
عاوز اقول حاجة مش عارف اقولها ل اي حد غير نفسي يعني انا طالب في اولى ثانوي 
ومعايا موبايل اوبو يعني حلو مساحه 64 و 3 رام
بس لما بدات درس النهاردة يعني شوفت صحاب ليا معاهم تلفونات حديثة قوي عن تلفوني ف مرضيتش اخده معايا لاني اتكسفت الصراحة ودماغي بتلف الصراحه اني احاول اجيب بكل الطرق واحد تاني
مع ان عيشتنا يعني الحمدلله بس منقدرش نصرف اننا نجيب تلفون لان اختي في ثالثة ثانوي وبنصرف جاامد 
ف نصيحتكم يعني انسى الموضوع واقول الحمدلله ولا ليكم رئي تاني

Avocado_26405 🇪🇬 · Accepted Answer

عارفة الشعور ده هو هتكتشف بعدين أنه سخيف نوعا ما بس هو فعلا بيدايقنا ( انا تالته ثانوى ففاهمة اللى أنت بتقوله عشان أنا جربته وكمان اوبو ) بس بصراحة كويس انك مقدر تعب أهلك وبلاش تضغطهم اكتر لو حابب فعلا تعمل حاجة أو تشتغل تبقى عشان تطور نفسك وبعدها كافىء نفسك بالموبايل غير كده بجد متركزش كلها دنيا وعادى يعنى والناس طبقات مش لازم كلنا نبقى زى بعض وده ميقللش من قيمتك ابدا خليك واثق من نفسك

Corn_71708 🇪🇬 · Answer

احمدي ربنا و خليكي اعقل من كدا و متشغليش بالك بالمظاهر

Peanut_71741 🇪🇬 · Answer

ما تبصش في ايد حد قول الحمد لله وارضى بنصيبك يصحبي، وبعدين الراجل ميعبهوش غير اخلاقه ودينه وعقله، مش جيبه او فلوسه او حتى تلفونه، ركز في دراستك يصحبي وفكر تجيب ليك ولأختك كمان لما تشتغل وترفع راسهم ويعرفوا ان تعبهم مرحش على الفاضي

Coffee_68396 🇪🇬 · Answer

لا متتكسفش ربنا خلق الناس طبقات ودي ارزقاق متقسمه وقول الحمد لله انت احسن من غيرك بكتير  وارضى ب الل ف ايدك

Carrot_71724 🇪🇬 · Answer

هقولك حاجه علفكره مهما كان المعاكي طلعيه عادي اوبو ومكسوفه منه احيه 😭حبيبتي عادي طلعيه محدش هيقدر يقولك ده موبايل قديم بالعكس هيبقي بالنسبالهم حاجه جديده

Avocado_71004 🇪🇬 · Answer

الي خلاني ارد عليك بجد اني لقيتك زيي بظبط بس انا الحمدلله راضي بتلفوني جدا جدا وعارف ان بابا مش هيقدر يجيب لان اخويا فتالته السنادي وانا اوله ثانوي زيك فعادي واوعي تخلي حد يتحكم فحياتك

Carrot_71203 🇪🇬 · Answer

لو كل واحد فينا بص للى فى أيده غيره هنبقى كلنا محرومين ، أحمدى ربنا على النعمه اللى انتى فيها ومتبصيش المظاهر الكدابه ، لحد ما ربنا يكرمك وتشترى تليفون لأن الحياه كلها مظاهر

Mushroom_43876 🇪🇬 · Answer

انا ولد ي جماعه😅

Blueberry_46540 🇪🇬 · Answer

يا عم متشغلش بالك ده انا تليفوني عمال اغير له جريبات بس و لا فارق معايا مين معاه ايفون و لا غيره و مش عايز اغيره حتى

Sugar_69803 🇪🇬 · Answer

مش كلنا عندنا تلفونات حديثه انا بايدي اجيب ثاني بس عادي بتاعي عاجبني مش شرط يكون جديد وكمعلومه محدش يبص انت ماسك تلفون ايه فيه حاجات اهم من كدا بكثير

Blueberry_71744 🇪🇬 · Answer

كنت ماسكه سامسونج جلاكسي جراند برايم لحد ٢٠٢٠ و كل صحابي كان معاهم تلفونات حديثه اوبو و انفنكس وانا سامسونج جلاكسي كحيان 😂 ٨ جيجا القصد هنا ان مش بالفون وانت لسه في ثانوي تخيل لو جبت تلفون دلوقتي مش هتجيب تاني على الكليه و وقتها هيطلع تلفونات أحدث ف استنى شويا على داخلة الجامعه 🤍

Pear_51536 🇪🇬 · Answer

قول الحمد لله و احمد ربنا و فكر ف دارستك و مذاكرتك اهم حاجه اللي هتخليك تجيب احلي تلفون دارستك اهم شئ دلوقت و متبصش للي ف ايد غيرك ركز ف مذاكرتك و دراستك و احمد ربنا و ادعيله انك يكرمك و يقف جنبك ف دارستك ربنا يوفقك ياارب

Avocado_55868 🇪🇬 · Answer

انا حصلي كده بالظبط زيك وانا في أولي ثانوي بس قبل الموبايلات السمارت وكنت بسيب موبايلي فعلا في البيت لحد ما مدرس عندي لاحظ واتكلم معايا وهو فعلا كان قدوة ليا قالي أن احنا اللي بنصعب الدنيا وحياتنا علي نفسنا وان الموبايل وسيله اتصال والعربيه وسيلة انتقال لكن احنا ديما بنهتم بالمظاهر ونسينا الهدف الاصلي من الحاجات اصلا ايه هو . فلو اللي معاك مغطي الهدف من استخدامك خلاص ولو لا يبقي حوش وجيب من غير ضغ

Pear_51536 🇪🇬 · Answer

عايزه اقولك انا كبيره اهو و معايا oppo بردو و بقاله معايا كتير و اصحابي كلهم ايفون معرفش كام و اللي تجيب اللاعلي كلها فشخره كدابه و الله .بس انا راضيه و بقول الحمد لله و عمري ما بصيت لحد منهم لأن كلهم بتوع مناظر

Chocolate_64293 🇪🇬 · Answer

قول الحمد لله ارضا بنصيبك و علي فكره انت مش هتفضل كده علطول لا انت هيجي الوقت اللي اهلك هيجيبولك فيه احسن حاجه بس هو الصبر والرضا بس يعني انا في اولي وتانيه ثانوي كنت بمشي بتليفون نوكيا ف متزعلش نفسك وديما بص للناس اللي مش معاها واحمد ربنا انك معاك