حبيبي زعل مني ورفض يتعامل معي - شسوي؟ 💔

Question

اترجاكم تنصحوني شنو اسوي ويه حبيبي 
قبل اكثر من اسبوعين زعل مني و اخذ موقف و من هذاك اليوم هو متغيير و رافض يتعامل معي مثل ما اريد
يعاملني ببرود و جمود

و اذا تكلمت اي شي يتعصب و ينجن
اذا اقوله اشتاقيتلك ما يرد شي عليها

اني تعبت و من احجي يكولي اني تعبان و اني مضغوط و لا تضغطين عليه اكثر 💔 
اخاف اتركه و اطلع ظلمته
و اخاف ابقى اخسر الي بقى من كرامتي

للعلم اعتذرت كثييييييييير بس مليت و تعبت
حتى من اكوله اروح يتعصب 😞

Mushroom_42444 🇮🇶 · Accepted Answer

إذا جنتي مسوية ذنب جبير ممكن أتفهم الزعل لكن إذا كانت مجرد غلطة فهذا الشخص مو جاد وياج واستغل الموضوع عملود ينهي كلشي واحتمال بروده ومحاولة ابتعاده بهاي الطريقة هو بداية النهاية وهاي الأشياء الي ديسويها مثل عدم الوضوح ومدا يگول هو شيريد بالضبط هذا صراع بينه وبين نفسه وراح يترك بالنهاية.

Biscuit_42413 🇮🇶 · Answer

انصحك تتركيه لان حرام واما اهلك بيعرفون او ما بتتوفقين معه ابدا وبيطلع نصاب، يعني تريدين تعيشين ويه واحد هيج؟ يزعل منج بالاسابيع؟ جربي بس مره وحده تصلين وتفضفضين لالله وشوفي شنو راح يصير، ما راح تخسرين شي صدقيني

Mango_38307 🇬🇧 · Answer

اني مو فاهمة هو نهى كلشي لو مجرد زعلان و يحتاج وقت 
ماكو اي فرصة للكلام وياه بالموضوع .. كل ما افتح الموضوع يواجهني بعصبية او ببرود و يهمل الكلام 
تدمرت نفسيتي و عقلي من التفكير

Mango_38307 🇬🇧 · Answer

حتى ما اعرف اذا بعدنا سوة او لا 
بس هو بعد نفسه عنييييي و كل ما افتح الموضوع يبعد اكثر و اذا اسكت يتقرب بس ضمن حدووود !!!!! شي مو طبيعي

Biscuit_42413 🇮🇶 · Answer

جربي تصلين مره وحده وتفتفضين لالله وتتركيه لمده اسبوع وشوفي وش راح يسوي، هو الي سوى نفسيتك مو كويسه واذا تزوجك راح يعيدها معك كثير اكيد وحاولي بس تطبقين النصيحه رجاءً لان الي تسويه خطا وراح تندمين بالمستقبل

Mango_38307 🇬🇧 · Answer

صح كلامك … راح اندم بالمستقبل على كل فرصة هسه دياخذها مني و ما يقدرها 
راح اسد الباب بوجهه لان حتى لو خطأت و اعتذرت فمو نهاية العالم و هو خطأ عادي عتاب و كلام عادي بس هو سوة الحبة كبة