كيف اتخطى خوفي من الناس وأبدأ علاقة؟

Question

اتخطي ازاي خوفي من الناس واننا ادخل اي علاقة 
حاليا عندي 23سنة بس مش اجتماعية وللاسف مش عارفة اثق ف نفسي واتخطي اي حاجة حصلت زمان من مشاكل بسبب الاشخاص اللي سبب المشاكل موجودين وبيتعاملو عادي كأنهم ملايكة حرفيا وانا بتعامل عادي بس ف كره من جوايا ليهم 
ف شايفة انو مينفعش ابدا ادخل علاقة واشيل مسئولية كبيرة دا هيأثر ع الشخص اللي هرتبط بيه وحياتي اللي عايزة ابنيها مستقرة

Chocolate_58313 🇪🇬 · Accepted Answer

كلها تجارب للاسف
سواء ايجابيه أو سلبيه

مهما كانت بتطلعي متعلمه حاجه
ايه اللي بياجي في دماغك لما الموضوع ده بيحصل

Apple_68133 🇪🇬 · Answer

اللي مريتي بيه في الماضي شكّل عندك جرح ثقة، وده طبيعي جدًا إن يكون له أثر في الحاضر. لكن محتاجين نميز بين الناس اللي أذونا وبين فكرة الناس بشكل عام. الخوف من العلاقات مش ضعف، لكنه دفاع عقلك عنك. وعلشان نغير ده، محتاجين نعيد برمجة التجربة

Apple_68133 🇪🇬 · Answer

ابدئي بخطوات بسيطة:
	•	علاقات صغيرة وآمنة، مش لازم تكون عاطفية. صداقة حقيقية واحدة قادرة تبني جواك إحساس بالثقة تاني.
	•	اشتغلي على علاقتك بنفسك: اسألي نفسك “أنا إيه اللي محتاجاه؟ إيه اللي بيخليني أحس بأمان؟”
	•	ماتقسيش على نفسك بسبب شعور الكره الداخلي، ده مش اختيار، ده تراكم وجع، بس اللي يهم هو إنك متخليش الوجع يقودك

Apple_68133 🇪🇬 · Answer

أما عن دخول علاقة دلوقتي، فأنا متفهم جدًا إحساسك بالمسؤولية، وده في حد ذاته دليل نضج. لكن لازم تعرفي إن العلاقة الصحية مبنية على مشاركة، مش على حمل الطرف التاني عبء مشاعرك

اللي هيحبك بصدق، هيكون عارف إننا كلنا لينا ذكريات، وهيشاركك الرحلة، مش يهرب منها

Apple_68133 🇪🇬 · Answer

مش مطلوب منك تكوني “جاهزة 100%” علشان تحبي أو تتعافي. المطلوب بس تكوني “مستعدة تحاولي”

Banana_53053 🇪🇬 · Answer

حاول تمشي في الشارع كتير متركبه موصلات و بص في عيون الناس متنزلش انت عينك لا خلي الي قدامك هو الي ينزلها بس مش تبرق بتتخانق يعني بص عادي و حاول تبتسم في وش الناس الرد الاجابي برضو هيعمل معاك شغل حلو و لما تركب مواصلات حاول تقعد في مكان تكون انت مثلا الي بتلم الاجره عشان تتعامل مع ناس كتير و كذا و صدقني هتتحسن

Pineapple_68397 🇪🇬 · Answer

من الخطأ محاوله تبرير موقفك ل شخص اساء فهمك  لانه مش هيقتنع ويعمل غير اللي عمله ودة سبب رئيسي في مشكله احساسك انهم عملين ملايكه كل ما في الامر انهم تجاوزوا المشكله لان هما اللي وضعوا حد للموضوع لكن انتي وقفتي عند المشكله رغم أنها تجربه وبنتعلم منها ومش لازم نركز فيها حتي لو بنشوفهم  كل يوم و تتخلصي من كرهك ليهم لازم تعرفي انهم اصلا مكنوش يستاهلوا قربهم منك وربنا كشفهم انتي اقوي بأستفدتك من التجربه

Strawberry_66678 🇪🇬 · Answer

حاولي وسيبي نفسك

Coffee_66952 🇪🇬 · Answer

والله أنا شايف انك موقفة حياتك عشان ناس تانية انتي مش فارقة معاهم اصلا، ركزي مع نفسك شوية و هي الدنيا كدا فيها ناس وحشة و ناس كويسة جدا اعملي حياة لنفسك و اختاري حد كويس بعقلك قبل قلبك ووقتها هتشوفي الدنيا شكلها حلو ازاي لكن بلاش تحطي نفسك في الزون دي احسنلك وقتك بيجري عالفاضي

Avocado_68382 🇪🇬 · Answer

🤝♥️

Mango_68433 🇪🇬 · Answer

أنا يعاني من نفس المشكله

Avocado_68382 🇪🇬 · Answer

شكرا جدا بجد 
كلامك صح ومرتب وف نفس الوقت فهمت الفكرة