اتخطبت مغصوبه عليه وبعد التجاوزات سبني وغلطانة!

Question

اتخطبت لوحد كنت مغصوبه عليه حبيته ولدرجه أن حصل بينا تجاوزات بعد التجاوزات بدأ يتغير يطلعني غلطانه دائما لحد قبل منسيب بعض حصل بينا تجاوزات وسبني عشان حيبيض الشقه كلها معاد الصاله من سعتها وانا مش مدركه اللي حصل وحسه اني هموت هو عملي بلوك من كل ناحيه وطلعني غلطانه ومبفهمش رغم أنه كان مستخصر فيا حق الفستان والميكاب بتاع الفرح انا نفسي انتقم منه

Hazelnut_52786 🇪🇬 · Accepted Answer

1.	اللي يبيعك بالشكل ده ميسواش لحظة وجع واحدة من اللي عيشيتيها عشانه، وانتي مش غلطانة في حبك، الغلط كان إنك اديتيه أكتر مما يستحق.
	2.	الانتقام الحقيقي إنك تقومي على رجلك، وتعيشي أحسن، وتنجحي في كل حاجه كان فاكر إنك مش قده.
	3.	حبي نفسك واحتوي وجعك، بس أوعي ترجعي لحد باعك وهدك، ربنا هيعوضك بحد يقدرك بجد

Peanut_56462 🇪🇬 · Answer

انتقامك منه انك تنسيه و خلاص صفحه واتقفلت 
وتحمدى ربنا انك مدبستيش فى حد زى ده 
ولكن خلي بالك المرة الجاية 
الدنيا مش سهلة ويسيطة زى ما انت متوقعه

Cookies_55461 🇪🇬 · Answer

الانتقام مش حل ومش هيريحك وخليكي واثقة انك غالية جدا أوعي ترخصي نفسك بالحرام وان شاء الله الله يرزقك الحلال ويكون خير الزوج

Cookies_55461 🇪🇬 · Answer

الانتقام مش حل ومش هيريحك وخليكي واثقة انك غالية جدا أوعي ترخصي نفسك بالحرام وان شاء الله الله يرزقك الحلال ويكون خير الزوج

Coffee_55645 🇪🇬 · Answer

ارجعي الي ربنا وادعي وربنا مش بيضيع حق المظلومين مع العلم انك غلط بردو بس كلنا بنغلط وبعض الانبياء غلطوا ف متقسيش ع نفسك اعتبريها تجربه وعدت واحمدي ربنا انك متجوزتيش حد بالشكل دا ممكن كنتي اتجوزي ومطلقة دلوقتي او بتعيشي عشان اولادك وبيتك غصب عنك الرضا حاجه جميله ف ارضي واصبري لعل الله يرزقك بالزوج الصالح والافضل

Blueberry_56240 🇪🇬 · Answer

للاسف انتي رخصتي نفسك اوي خصوصا بالتجاوزات دي مع انك غالية جدا وقيمتك كبيرة بس بغض النظر الراجل عموما لو وصل للي عاوزه من الست بيتغير ١٨٠ درجة

Kiwi_56340 🇪🇬 · Answer

لا انتقمي منه وائذيه وخدي حقك في الدنيا وربنا هيديكي حقك تاني في الاخره 
يعني مثلا شوفي حاجه كان مئامنك عليها او كده وامسكيها عليه او ايا يكن انت ادري يعني بس متسيبيش حقك ولو اهلك كويسين يستحسن تشاركيهم فده ومتبقيش لوحدك