إحساسي بالإحباط في كلية الذكاء وعدم وجود أمل

Question

أنا بقالي تلت سنين بدور في حلقة مغلقة مش لاقية ليها حل وتعبت وخايفة من ربنا في نفس الوقت أنا واحدة كان نفسي ادخل طب وكنت راسمة كل حياتي علي الطب دلوقتي أنا دخلت ذكاء بسبب درجاتي الفكرة مش هنا الفكرة اني حاسة بإحباط جامد مع اني في تالتة وان حياتي بتبوظ وهتبوظ ومش هشتغل او أتجوز وان الكلية اللي هي المفروض نعمة هتبقي سبب تعاستي ومش بشتغل علي نفسي خالص فعلا وبقيت شخصية سلبية وهشة وحاسة بمشاعر سلبية ناحية الناس اللي في طب بالأخص في وقت الامتحانات بدل ما اذاكر بقعد اندب حظي ودرجاتي نازلة ياليت لو حد يعرف يهديني ويلاقي لي حل

Apple_32285 🇪🇬 · Accepted Answer

عسي ان تكرهوا شئ وهو خيرا لكم

Corn_47942 🇪🇬 · Answer

تيجي نشرب قهوه في مكان هادي

Watermelon_32587 🇶🇦 · Answer

وبعدين؟ ايش نهاية هاذا كله لحد وين راح يوصلك؟ التخصص والشغل والزواج كله أرزاق من الله. اللي علينا احنا ان نسعى
شوفي هم كل الناس عايشين بس مو كل الناس عايشين صح. سبب الاحباط اللي انتي فيه انك ربطتي قيمتك بالتخصص والشغل والزواج وانتي قيمتك اكبر انتي قيمتك في ذاتك في فكرك واخلاقك وايمانك وثقتك اشتغلي عليها واشتغلي على قيمتك وحبك لنفسك.

Watermelon_32587 🇶🇦 · Answer

فقط لما تفكين ارتباط قيمتك بما تملكين او بالشهادات في هذا الوقت راح تتحررين وتنطلقين في الحياه بثقه لان قيمتك تنبع من داخلك. انتي لما تعتمدين على تحديد قيمتك على أشياء خارجيه تصبحين مقيده فيها.وتصيرين ضعيفه لان مصدر قوتك من حاجات ماديه ممكن تروح فراح تفقدين قيمتك.لكن لما تكون القيمه مصدرها داخلي محد يقدر ينزعها منك .

Kiwi_49822 🇪🇬 · Answer

فيه جمله سمعتها ريحت قلبى جدا فى الموضوع ده "مقامك حيث اقامك الله لا حيث اقمت نفسك ولا حيث اقامك الناس فالناس لا تعدل ولا تزن"
ربنا عارف ان ده الخير ليكى اكيد عشان كده خلاكى روحتى المكان ده انا لما كتت فى ثانوى كان نفسي فى اسنان جدا او فنون جميلة بس ربنا كرمنى ببيطرى وبجد انا بحمد ربنا كل يوم انى دخلت بيطرى وان اختياره كان احسن من اختيارى

Cherry_48485 🇪🇬 · Answer

الحمدلله ويارب دايما يوفقك ويسعدك يارب بس معلش ممكن تشاركيني سبب فرحتك عشان ممكن تغير نظرتي شوية وتبقي ملهمة ليا

Kiwi_49822 🇪🇬 · Answer

وحاجه تانيه بردوا سمعتها جميلة "لو عرضت الاقدار على بن آدم ليختار منها ما اختار الا ما كتبه الله له" هنا بقى نرضى ونحمد الله ونسأل الله انه يعينا ويقوينا على امر ديننا ودنيانا وماتزعليش نفسك والله ما هى الا دنيا زائلة وفى الجنه بيبقى بالعمل الصالح مش مين مهندس ومين دكتور 🧡 ومش بنظر والله دى نصايح اتقالتلى وقولت ماوقفهاش عندى 🧡

Cookies_31114 🇪🇬 · Answer

بصي والله هفهمك حاجة و اقرأي كويس .. ابويا خريج اكادمية .. و كان صنايعي .. اهو المفروض ملوش مستقبل .. دلوقتي ماشاءالله عنده شركته و الفيلا بتاعته غير انه شاري شقة لكل حد فينا انا و اخواتي .. الي ربنا كاتبه احسن مليون مرة من الي متخيلينه

Cherry_48485 🇪🇬 · Answer

ماشاء الله و يارب يوفقه يارب بس مش أكاديمية يعني كلية؟معني كدة ليه مستقبل عادي

Kiwi_49822 🇪🇬 · Answer

سبب فرحتى انى اولا ماعترضتش خالص قولت ده امر ربنا وتوكلت على الله وبدأت اتابع الحيوانات واحبهم اكتر واربى قطط واكلع شلاتر انا سيبتنى من المنهج العبيط ده بتاع الكليات قولت اخلينى فى الحيوانات نفسها وحبيتها حطيت هدف انى اتخرج واحضر معادله واسافر بره وكده اهم حاجه متضيعيش 4 سنين من عمرك وفى الاخر ماتستفديش منه بس دى الفكرة وركزى فى الشغل نفسه والدراسه هى بس عشان الشهادة

Kiwi_49822 🇪🇬 · Answer

وتسلمى ربنا يوفقنا جميعا

Kiwi_49822 🇪🇬 · Answer

وفيه حاجه تانيه ادخلى اقرأى عن محمود العربى ده حد مش متعلم مبيعرفش يقرأ ويكتب قرر فى يوم انه يشتغل ويفتح محل عمل شراكه مع حد من صحابه صاحبه بالمال وهو بالشغل وكده واجتهد وفضل يشتغل ده كان بداية الاستاذ محمود العربى صاحب اكبر شركة اجهزة كهربائية فى مصر والشرق الاوسط وعضو اسبق فى مجلس النواب عليه رحمة الله